Ауа райы
Астана -3 °С
Алматы 8 °С
валюта бағамы
USD 388.07
EUR 427.54
RUB 6.08
CNY 55.36

Жапониядағы дауыл: 7 млн адам үйлерін тастап кетті

2019 жылдың 12 қазан 2019 21:43

НҰР-СҰЛТАН. ҚазАқпарат – Жапонияда соңғы он жылдағы ең үлкен тайфун салдарынан екі адам қаза тауып, алпыстан астам адам жарақаттанды. Мамандар Токиода соңғы 60 жылдағы ең ірі дауыл тұрғанын айтты, деп жазады ВВС.

«Хагибис тайфуны жергілікті уақытпен кешкі сағат 7-де басталды. Қазір ол Токионың оңтүстік батысынан 225 км / сағ жылдамдықпен шығысқа қарай жылжып барады. Соның салдарынан 7 млн-нан астам адам үйлерін тастап кетуге мәжбүр болған», деп жазады автор.

Жапонияның көлік министрлігі әуежай мен қала орталығының арасындағы темір жол және автобус тасымалы тоқтап қалғандықтан, екі әуежайды уақытша жапты. Жапония әуе компаниялары екі мыңға жуық рейсті тоқтатты.

Жапонияның метеорологиялық агенттігі (JMA) Токио аумағында қатты жаңбыр болатынын хабарлады. «Қалаларда, елді мекендер мен ауылдарда қатты жаңбыр кесірінен төтенше жағдай жарияланды. Көшкін мен сел секілді дүлей апат та болған болуы мүмкін», деді JMA қызметкері. Қатты жауыннан Жапонияда қауіптің ең жоғары деңгейі жарияланды.

Жапония билігі 11 млн адамға эвакуация жариялады. Бұл 1959 жылдан кейінгі ең ірі дауыл болуы мүмкін деп болжануда. 306 км / сағ жылдамдықпен болған Вера Тайфунынан 1959 жылы бес мыңнан астам адам қаза тапқан болатын.

Автор Айкүміс Болатбек
Басты сөздер: Әлем,
Жоғары қарай