Ауа райы
Астана 14 °С
Алматы 13 °С
валюта бағамы
USD 386.34
EUR 427.25
RUB 5.88
CNY 54.57

Жезқазғанда жаңа мешіт пен мектеп ашылады

2019 жылдың 17 шілде 2019 15:26 248

ҚАРАҒАНДЫ. ҚазАқпарат - Бүгінгі таңда Жезқазғанда жаңа мешіт пен мектеп салынып жатыр. Дайын нысандарды келесі жылы тапсыру жоспарлануда. Қарағанды облысының әкімі Ерлан Қошанов құрылыс алаңдарында болып, жұмыстарды өз көзімен көріп қайтты, деп хабарлайды ҚазАқпарат тілшісі.

Нысан 2019 жылы ақпан айында «Ақ-Мешіт» қоғамдық қорының бастамасымен салына бастаған. Қазір болашақ ғимараттың іргетасы құйылуда.

Қалаға жаңа мешіт қажет, себебі ескі ғимаратқа ниет білдіруші жамағат сыймай жатады. Сондай-ақ ол қаланың шетінде орналасқан және тек 500 адамға есептелген. Жоба бойынша жаңа ғимаратта 1500 адам орналасады. Алла үйінің жалпы ауданы 2,916 шаршы метрді құрайды.




«Қазір бізде іргетас құю жүріп жатыр. Барлық жұмыстар мерзімінде жүргізіледі. Кадрлар тапшылығы жоқ. Осы кезеңде қажетті барлық құрылыс материалдары сатып алынды. Жұмысты уақытында аяқтауды жоспарлап отырмыз», - деді «Ақ-Мешіт» қоғамдық қорының төрағасы Марат Бекмағамбетов.




Сондай-ақ Жезқазғанда жаңа мектеп-интернаттың да құрылысы белгіленген мерзіміне сай жүргізіліп жатыр. Құрылысшылар қабырғаларды жартылай тұрғызып үлгерген. Ғимарат 900 оқушыға есептелген. Бұл жерде Жезқазған, Ұлытау және Сәтбаевтың балалары білім алатын болады.

Өңір басшысы мердігерлерге ғимарат 2020 жылдың қыркүйек айына дейін дайын болуы үшін барынша күш салуды тапсырды. Бұйыртса, келесі оқу жылын балалар жаңа мектепте бастайды.





Жоғары қарай