Aýa raıy
Astana 19 °S
Almaty 26 °S
valıýta baǵamy
USD 384.87
EUR 432.52
RUB 6.11
CNY 55.95

1300 almatylyq órt sóndirýshi men qutqarýshy arystyqtarǵa birkúndik jalaqysyn aýdardy

2019 jyldyń 25 maýsym 2019 22:11 350

ALMATY. QazAqparat - Almatyda 1300 órt sóndirýshi men qutqarýshy Arystaǵy apattan zardap shekken halyqqa 1 kúndik jalaqysyn aýdardy, dep habarlaıdy QazAqparat tilshisi.

Qalalyq TJD habarlaýynsha, olardyń 1 kúndik jalaqysy 3 mln 732 myń teńge bolmaq.

Bul qarajat qazir «Túrkistan» áleýmettik damý korporatıvtik qoryna aýdaryldy.

Almatyda TJD bastamasymen 24 maýsymnan bastap 278-20-83, 278-20-84  nómirleri arqyly jedel jeli jumysyn bastady.

Mamandar 100 jýyq qońyraýǵa jaýap berdi. Turǵyndar eń aldymen qaıda qarajat jiberý kerektigin, Túrkistan oblysyna poıyz qatynasy bar-joǵyn anyqtady.

Arysta 7 myń úıdiń terezesi shaǵylǵanyn, shatyrlar men qasbetterdiń opyrylǵanyn eskere otyryp, Almaty ákimdigi qajetti qurylys materıaldaryn jınaqtaı bastady.

 

 

Avtor Gúlmıra Ǵosmanálı
Basty sózder: Jaqsylyq jasa, Arys, Almaty,
Joǵary qaraı