Aýa raıy
Astana 19 °S
Almaty 26 °S
valıýta baǵamy
USD 384.87
EUR 432.52
RUB 6.11
CNY 55.95

20 maýsym. QazAqparat kúntizbesi: Ataýly kúnder, oqıǵalar, esimder

2019 jyldyń 20 maýsym 2019 07:00 487

NUR-SULTAN. QazAqparat - QazAqparat oqyrmandaryna 2019 jylǵy 20 maýsymǵa arnalǵan kúntizbesin usynady.

ATAÝLY KÚNDER

Dúnıejúzilik bosqyndar kúni. 

BUU-nyń 2000 jylǵy 4 jeltoqsandaǵy sheshimi boıynsha Afrıka bosqyndarynyń kúnimen qatar atap ótiledi.

Zoobaqtarda halyqaralyq pilderdi qorǵaý kúni. 

«Janýarlardy qorǵaý» uıymynyń (IDA) bastamasy boıynsha 2009 jyldan bastap atap ótilip keledi.


ESTE QALAR OQIǴALAR

1930 jyly «Joǵarǵy Marıanna» kómir qabaty boıynsha birinshi Qaraǵandy shahtasynyń qurylysy bastaldy.

1991 jyly Qazaq KSR Joǵarǵy Keńesiniń «Qazaq KSR Ulttyq memlekettik bankiniń jarǵysy týraly» qaýlysy qabyldandy. Qaýlyǵa sáıkes, Ulttyq memlekettik bank respýblıkanyń menshigine ótip, Ortalyq bank bolyp quryldy.

1992 jyly Elbasy Nursultan Nazarbaevtyń qatysýymen Qazaqstan kásipkerleriniń alǵashqy forýmy ótti.

1992 jyly Qazaqstan Respýblıkasy Túrki mádenıeti jáne óneri máseleleri jónindegi birlesken komıtet múshesi atandy.

1992 jyly Almatydan Úrimjige alǵashqy halyqaralyq temir jol qatynasy ashylyp, birinshi jolaýshylar poıyzy attandy.

2003 jyly elimizdegi jer reformasynyń mańyzdy aktisi Qazaqstan Respýblıkasynyń jańa Jer kodeksi qabyldandy.

2013 jyly «Qazaqstan temir joly» UK» AQ, «Reseı temir joly» AAQ jáne Belarýs temir joly Peterbýrg halyqaralyq ekonomıkalyq forým aıasynda Birlesken kólik-logıstıkalyq kompanııasyn qurý týraly kelisimge qol qoıdy.

2013 jyly belgili qazaqstandyq ánshi, kompozıtor, «Úrker» tobynyń negizin qalaýshy Aıdos Saǵat BUU-nyń bosqyndar isi jónindegi agenttiginiń Qazaqstandaǵy alǵashqy erikti elshisi atandy.

2013 jyly Reseı Federatsııasynyń Memlekettik muraǵatynan Batys Qazaqstan oblystyq «Oral óńiri» jáne «Oral» gazetteriniń alǵashqy shyǵarylymdary tabyldy.

2014 jyly «KazEOSat-2» qazaqstandyq jer serigi orbıtadan alǵash ret telemetrıkalyq aqparat berdi.

2016 jyly Atyraý oblysynda 2015 jyly áskerı jattyǵý kezinde áriptesterin qutqaryp, ózi qaza tapqan Baqytjan Qalybaıǵa eskertkish taqta ornatyldy. Taqta sarbazdyń týǵan aýyly Maqat aýdanyndaǵy Báıgetóbe aýylyndaǵy mektepte ashyldy.

2017 jyly rejısser Aqan Sataevtyń «Anaǵa aparar jol» fılmi Nıý-Iorktegi kınofestıvalde úzdik kórkem fılm atandy.

Fılmniń prodıýseri Álııa Nazarbaeva «Kınodaǵy eýrazııalyq áıelder» nagradasyn alsa, Altynaı Nógerbek úzdik aktrısa dep tanyldy.

2018 jyly Nıý-Iorktegi Ulttyq óner klýbynyń galereıasynda Amerıkanyń talǵampaz jurtshylyǵyna Qasteev atyndaǵy óner murajaıynyń HH ǵasyrǵa tıesili jaýhar týyndylary usynyldy.

Kórmege 1930-1970 jyldardaǵy qazaqstandyq óner týyndylarynyń úzdik úlgileri usynyldy. Kórmege qoıylǵan árbir shedevr Qazaqstan mádenı murasynyń zor baılyǵyn beınelep, qazaq halqynyń ómir saltynan habar beredi. 

 

 

Basty sózder: Kúntizbe,
Joǵary qaraı