Aýa raıy
Astana 21 °S
Almaty 20 °S
valıýta baǵamy
USD 386.04
EUR 427.77
RUB 5.88
CNY 54.45

2019 jyly 3500-den astam áskerı qyzmetshige baspana beriledi

2019 jyldyń 17 maýsym 2019 10:45 1631

NUR-SULTAN. QazAqparat - 2019 jyly 3500-den astam áskerı qyzmetshige baspana beriledi.

Áskerı qyzmetshilerdi baspanamen qamtýdyń modeline sáıkes, 2018 jyldyń qańtarynan bastap QR Qarýly Kúshteriniń áskerı qyzmetshileri Qazaqstannyń kez kelgen óńirinen ekinshi deńgeıli bankterdiń túrli baǵdarlamalary arqyly ıpoteka nesıesimen baspana satyp alý múmkindigin beretin zamanaýı júıege ótedi, dep habarlaıdy QazAqparat QR Qorǵanys mınıstrligine silteme jasap.

Qazaqstannyń qorǵanys vedomstvosy áskerı qyzmetshilerdiń áleýmettik máselelerden tolyqtaı arylýyna jaǵdaı jasap otyr. Baspanamen qamtýdyń jańa júıesi qolǵa alynǵan tusta, 2018 jyly 40 myńnan astam áskerı qyzmetshi derbes shot, depozıt ashty. Sonyń 3000-nan astamy óz baspanasyna ıe boldy.

2019 jyldyń alǵashqy jartysy tolmaı-aq 2000-nan astam áskerı qyzmetshi ıpoteka nesıesin aldy. Onyń jalpy somasy 30 mıllıard teńgeni qurady. «Áskerı baspana», «Baspana hıt», «7-20-25», «Qazaqstandaǵy ıpotekalyq nesıelendirý», «Nurly jer», t.b. baǵdarlamalary arqyly baspanaly bolyp jatqan tulǵalar sany artyp keledi.

 

 

 

Joǵary qaraı