Aýa raıy
Astana 4 °S
Almaty 2 °S
valıýta baǵamy
USD 388.96
EUR 432.21
RUB 6.09
CNY 54.99

2020 jylǵy 1 qańtardan bastap 1334 aýylda bıýdjettiń 4 deńgeıi engiziledi

2019 jyldyń 19 maýsym 2019 11:40

NUR-SULTAN. QazAqparat - 2020 jylǵy 1 qańtardan bastap qalǵan 1 334 aýylda bıýdjettiń 4 deńgeıin engizý josparlanǵan. Bul týraly búgin halyqpen eseptik kezdesý ótkizip jatqan Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Elimizdegi óńirlik saıasat halyqtyń turyp jatqan jerine qaramastan básekege qabilettiligi men turmys sapasyn artyrýǵa baǵyttalǵan. Óńirlerdi damytýdyń memlekettik baǵdarlamasyn 2020 jylǵa deıin iske asyrýdyń qorytyndysy boıynsha ýrbanızatsııa deńgeıi 58 paıyzǵa jetti. Bul 2017 jylmen salystyrǵanda 0,8 paıyzǵa artyq. 2018 jyly qalalarda ortalyq sýmen jabdyqtaý 94,5, aýyldarda ortalyq sýmen jabdyqtaýǵa qol jetkizý shamamen 60 paıyzǵa ulǵaıdy», - dedi ol.

Mınıstrdiń dereginshe, «Dıplommen aýylǵa» jobasy boıynsha 4 myńnan astam mamanǵa turǵyn úı alý úshin 13,7 mlrd teńgege bıýdjettik kredıt berildi.

«2018 jyldan bastap 1062 aýdandyq mańyzy bar qala men halyq sany 2 myńnan asatyn aýyldyq okrýgte jergilikti ózin ózi basqarýdyń derbes bıýdjeti engizildi. 2020 jylǵy 1 qańtardan bastap qalǵan 1 334 aýylda bıýdjettiń 4 deńgeıin engizý josparlanýda», - dedi Rýslan Dálenov.

Mınıstrliktiń málimetterine qaraǵanda, JÓB bıýdjetiniń basty ereksheligi - jergilikti máselelerdi sheshýge 7,6 mln. azamattyń qatysýy. JÓB organdarynyń turaqty damýy men derbestigin qamtamasyz etý úshin qosymsha salyq jáne basqa da túsimderdi berý arqyly JÓB-tiń tabys kózin arttyrý, ákimder men olardyń ákimshilik qyzmetkerlerin oqytý jumystary júrgiziledi.

Joǵary qaraı