Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

6 nesıesi bar: Elorda ákimdigi kópirden sekirmek bolǵan azamat týraly aıtty

2019 jyldyń 12 qyrkúıek 2019 19:26

NUR-SULTAN. QazAqparat – Elorda ákimdigi «Arqar» kópirinen sekirmek bolǵan er adamǵa qatysty aqparat berdi, dep habarlaıdy QazAqparat tilshisi.

«1991 jyly dúnıege kelgen Nur-Sultan qalasynyń turǵyny Rústem Erejepov esimdi azamat kópirden sekirmek bolǵan. Otbasyly, 2 balasy bar. Deni saý, eshqandaı quqyqqorǵaý organdary men medıtsınalyq mekemelerde tirkeýde turmaıdy. Atalǵan azamattyń turaqty jumysy bolǵan, keıin shyǵyp ketken. Buǵan deıin qalalyq ákimdikke 2-3 ret óz ótinishterimen júgindi. Atap aıtqanda, turǵyn úı jáne jer alý máseleleri boıynsha. Ákimdik óz tarapynan demeýshilerdiń kómegi arqyly onyń suraqtaryn sheshken bolatyn. Sońǵy ret 9 qyrkúıek kúni azamat ákimdikke kelgende «Eńbek» baǵdarlamasy arqyly Soltústik Qazaqstan oblysyna kóshý týraly kelissóz júrgizildi. ıAǵnı, onda Erejepovtiń turǵyn úı jáne jumys máselesin sheshý de qarastyrylǵan», - dedi Nur-Sultan qalasy Qoǵamdyq damý isteri basqarmasynyń basshysy Talǵat Rahmanberdi.

Sondaı-aq, qalalyq ákimdik ókiliniń aıtýynsha, atalǵan azamattyń 1 mln 300 myń teńge kóleminde 6 nesıesi bar.

«Biz bul azamatpen «Eńbek» baǵdarlamasy aıasynda barlyq suraqtardy sheship, tek qujattardy retteý ǵana qalǵan. Degenmen, búgingi kúnge deıin tıisti qujattardy tapsyrmady. Al búgin kópirden sekiremin dep dúrliktirdi. Qazirgi ýaqytta azamat Erejepovpen quqyqqorǵaý organdarynyń mamandary jumys istep jatyr. Ol nátıjesi týraly qosymsha habarlanatyn bolady», -dedi ol.

Aıta ketsek, atalǵan azamat búgin tús ýaqytynda Saraıshyq kóshesiniń boıynda ornalasqan «Arqar» kópirinen sekirýge áreket jasaǵan edi.


Avtor Álı Ibraev
Basty sózder: Oqıǵa, Nur-Sultan,
Joǵary qaraı