Aýa raıy
Astana 16 °S
Almaty 13 °S
valıýta baǵamy
USD 386.91
EUR 428.81
RUB 5.79
CNY 54.79

#Abai175: Qandaı sharalar ótkiziletini aıqyndaldy

2019 jyldyń 18 shilde 2019 14:06 537

NUR-SULTAN. QazAqparat – Ár qazaq «Abaıdyń sózinen taǵylym aldym ba?» dep oılanýy kerek. Bundaı pikirdi Parlament Májilisiniń depýtaty Saýytbek Abdrahmanov aıtty, dep habarlaıdy QazAqparat tilshisi.

«Abaı Qunanbaıulynyń 175 jyldyq mereıtoıyn ótkizý jónindegi memlekettik komıssııanyń alǵashqy otyrysy ótti. Bul jıyn barysynda aldaǵy mereıtoıdyń jaı-japsary, atqarylatyn istiń aýqymy aıqyndaldy. Atqarylatyn sharalardyń syrtynda, eń úlken jumys bizdiń ózimizdiń ishimizde, júregemizde jasalýy kerek dep sanaımyn. Ár qazaq «Abaı atamyzdyń aıtqanyn tyńdadym ba? Kemeńgerdiń sózinen taǵylym aldym ba? Qazir qandaımyz, Abaı kútken halyqpyz ba? Abaıdyń amanatyn aqtadyq pa?» degen turǵyda oılanyp, tolǵansa, eń úlken olja sol balady. Bizdiń halqymyz Abaı óleńderin tek jattaýmen tynbaı, ishki túleýge kóp kóńil bólse deımiz», - dep toqtaldy Saýytbek Abdrahmanov.

Sonymen qatar, depýtat Uly Abaıdyń 175 jyldyǵyna oraı aqyn óleńderin oqý estafetasyna qatysty óz oıyn aıtty.

«Halyqtyń osy máselede erekshe silkiniste turǵandyǵy #Abai175 chellendjinen jaqsy kórinip otyr. Prezıdent Qasym-Jomart Toqaevtan bastap halyqtyń belgili tulǵalary, qarapaıym azamattar Abaı óleńderin jattap, bir-birine jalǵastyryp jatqany bir ǵanıbet», - dedi S.Abdrahmanov.

Aıta keteıik, búgin QR Premer-Mınıstriniń orynbasary Gúlshara Ábdiqalyqovanyń tóraǵalyǵymen 2020 jyly qazaq halqynyń uly aqyny, aǵartýshysy Abaı Qunanbaıulynyń týǵanyna 175 jyldyq mereıtoıyn ótkizý jónindegi memlekettik komıssııanyń alǵashqy otyrysy ótti.

Jıyn barysynda halyqaralyq, respýblıkalyq jáne óńirlik deńgeıdegi 500-ge jýyq túrli shara qamtylǵan Abaı Qunanbaıulynyń 175 jyldyq mereıtoıyna daıyndalý men ótkizý jónindegi jalpyrespýblıkalyq jospardyń jobasy qaraldy.

Avtor Rýslan Ǵabbasov
Basty sózder: Mádenıet, #Abai175,
Joǵary qaraı