Aýa raıy
Astana -2 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Aǵaıyndy Ańqaýovtar sýret salýda mal júnin qoldanýdyń «ákki» ádisin oılap tapty

2019 jyldyń 14 qyrkúıek 2019 22:48

NUR-SULTAN. QazAqparat – Aǵaıyndy Ańqaýovtar mal júnin erekshe tehnologııa arqyly qoldana otyryp sýret salady. Jáne qolóner sheberliginiń bul ádisin patenttegen. Erekshe qolóner týraly qostanaılyq sheber Arlan Ańqaýov QazAqparat tilshisine aıtyp berdi.

«Búgin Ulttyq mýzeıde ashylǵan kórmemizde ulttyq naqyshta qoıdyń júninen jasalǵan ártúrli buıymdar qoıylǵan. Kóbisi gobelen jáne shıden toqylǵan. Jáne jumystar ózim oılap tapqan jańa tehnologııamen jasalǵan. Maqsat – ulttyq qolónerdi odan ári jańǵyrtý arqyly ishki týrızmniń damýyna úles qosý. Olaı deıtinim, mundaı buıymdardy kórýge sheteldikterdiń qyzyǵýshylyǵy joǵary. Sheteldik týrısterge óz elimizde kórsetýge nemese shetelge aparýǵa da bolady. Buǵan deıin BAÁ-de ótken festıvalge avtorlyq buıymdarym qoıylǵan bolatyn», - dedi kórmeniń avtory Arlan Ańqaýov.

Aǵaıyndy Ańqaýovtar (Arlan, Baǵlan, Sársen jáne Dáýren) qolónerdiń bul túrimen 8 jyl boıy aınalysyp keledi.

«Daıyn boıalǵan júndi tútip, ony kartınaǵa jabystyryp qatyryp qoıamyz. Biz óz sheberlikterimizde ártúrli materıaldar qoldanamyz. Bir jumysty tolyq daıyndap shyǵýǵa bir kúnnen bastap bir aıǵa deıin ýaqyt jumsalady. Sýret salýda mal júnin qoldaný ádisin ózim oılap tapqyndyqtan, bul tehnologııany birden patenttep aldyq», - dedi ol.

Buǵan deıin habarlaǵanymyzdaı elordadaǵy Ulttyq mýzeıde aǵaıyndy Ańqaýovtardyń «Geografııa – mádenı damý baǵyty» atty kórmesi ashyldy.


Avtor Álı Ibraev
Basty sózder: Qostanaı oblysy, Mádenıet, Óner,
Joǵary qaraı