Aýa raıy
Astana -3 °S
Almaty -1 °S
valıýta baǵamy
USD 389.75
EUR 434.26
RUB 6.12
CNY 55.05

Ákimshilik aıyppuldy tóleý máselesi áli de ózekti - ІІM

2019 jyldyń 17 qyrkúıek 2019 21:15

NUR-SULTAN. QazAqparat - Memleket basshysynyń tapsyrmasyna sáıkes, Іshki ister mınıstrligi polıtsııa men halyq baılanysyna eleýli ózgerister ákeletin jańa jumys modeline kóshedi, dep habarlaıdy QazAqparat vedomstvonyń baspasóz qyzmetine silteme jasap.

Mınıstr Erlan Turǵymbaevtyń bastamasymen qolǵa alynǵan aı saıynǵy «Jol ústindegi qabyldaý» aktsııasy aıasynda azamattar kóshelerde, alańdar men aýlalarda jáne saýda ortalyqtarynda polıtsııa bólimderi, ákimshilik jáne kóshi-qon qyzmeti basshylarynan kásibı keńes aldy.

«Jol ústindegi qabyldaý» aktsııasynyń sáýirden qyrkúıekke deıingi alty kezeńi ishinde qala men aýyl turǵyndary meıilinshe kóp shoǵyrlanǵan aımaqtarda ornalasqan 5 myń mobıldi polıtsııa beketterinde 120 myń azamattyń ótinishteri zerdelendi. Buǵan qosymsha, telefonnyń «qaýyrt jelisi» (2,5 myńnan astam) jáne áleýmettik jeliler arqyly ótinish qabyldandy.

«Bólimshe basshylary azamattardy aldyn ala jazylýsyz jáne bıýrokratııasyz «kabınetten tys» qabyldady. Al adamdar óz problemalaryn formaldy emes jaǵdaıda jedel sheshýge múmkindik aldy. Bul, árıne, polıtsııanyń «áriptestik» qarym-qatynasyn, sondaı-aq halyqpen «keri baılanysyn» nyǵaıtýǵa yqpal etti. Aktsııa maýsym aıynan bastap eki formatta: tikeleı «Jol ústindegi qabyldaý» jáne kóppáterli úıler men turǵyn úı keshenderiniń aýlalarynda uıymdastyrylǵan «Aýlada qabyldaý» túrinde júrgizildi» delingen habarlamada.

Aktsııa barysynda barynsha ózekti bolǵan máseleler mynalar:

- Ákimshilik aıyppuldardy tóleý (22,4 myń ótinish)

- Jol qozǵalysyn uıymdastyrý (16,9 myń ótinish)

- Avtokólikti tirkeý (15,8 myń ótinish)

- Kóshi-qon qyzmeti (15 myń ótinish)

- Júrgizýshi kýálikterin berý (11,4 myń ótinish)

- Avtokólikterdi qaıta jabdyqtaý (9,6 myń ótinish).

ІІO basqa qyzmetteri jelisi boıynsha 17,2 myńnan astam suraq qoıyldy.

Sonymen qatar, turǵyndardan qoǵamdyq qaýipsizdik, jol qaýipsizdigi, kóshi-qon, tergeý jáne basqa salalardaǵy jumystardy jaqsartý boıynsha usynystar kelip tústi.

Buǵan qosa áleýmettik jeliler arqyly 25 myńǵa tarta suraqtar kelip tústi.


Basty sózder: Qoǵam, Zań, QR ІІM, Qaýipsizdik,
Joǵary qaraı