Aýa raıy
Astana 30 °S
Almaty 35 °S
valıýta baǵamy
USD 384.87
EUR 432.52
RUB 6.11
CNY 55.95

Aqmola oblysynda 42 mln-ǵa jýyq teńgeniń áshekeılik buıymdary urlandy

2019 jyldyń 26 maýsym 2019 02:21 406

KÓKShETAÝ. QazAqparat - Aqmola oblysynda quny shamamen 42 mln teńge bolatyn urlyqtyń beti ashyldy, dep habarlaıdy QazAqparat óńirlik Polıtsııa departamentiniń baspasóz qyzmetine silteme jasap.   

Vedomstvo ókilderi habarlaǵandaı, 3 maýsym kúni Býrabaı aýdandyq polıtsııa bólimine jergilikti turǵynnan lombard tonalǵany jóninde shaǵym túsken.

Shaǵym ıesiniń sózinshe, maýsymnyń 2-nen 3-ine qaraǵan túni  urylar  jergilikti turǵyn úılerdiń birinde ornalasqan lombard ǵımaratyna kirip, áshekeılik buıymdardy qoldy etken. Lombard ıesine keltirilgen shyǵyn 42 mln teńgege jýyq qarjyny qurady.   

«Jedel-tergeý tobynyń ókilderi oqıǵa bolǵan aýmaqty qarap, qylmystan qalǵan izderdi tekserdi, sondaı-aq lombard qyzmetkerlerinen jaýap aldy. Tártip saqshylary lombardtyń beınebaqylaý kameralary men onyń aınalasyn jáne oǵan jaqyn aýmaqty zerdeledi. Qylmysty izdestirý jumystary departament basshylyǵynyń jeke baqylaýynda boldy. Al tolyqqandy jedel-izdestirý sharalaryn júrgizý úshin vedomstvonyń tájirıbeli qyzmetkerlerinen arnaıy top quryldy»,-dep habarlady vedomstvo ókilderi.

Áshekeılik búıymdardy tabý maqsatynda  polıtsııa qyzmetkerleri Aqmola oblysy men Nur-Sultan qalasyndaǵy barlyq lombardtardy tekserip shyqty. Sondaı-aq olar buryn múlik tonap sottalǵan azamattardyń barlyǵyn tekserdi.

«Lombardty tonaýy múmkin degen kúdikpen polııtsıa qyzmetkerleri 3 adamnan turatyn topty anyqtady. Olar: 30 ben 26 jas aralyǵyndaǵy ýchınsk qalasynyń eki turǵyny men 30 jastaǵy elorda turǵyny bolatyn. Urlyq áreketi boıynsha QR QK-niń 188 baby 3 bóligi boıynsha sotqa deıingi tergeý bastaldy. Urlanǵan buıymdardyń bir bóligi tárkilendi»,-dep habarlady óńirlik Polıtsııa departamentiniń ókilderi.    

Ustalǵandar ýaqytsha ustaý oqshaýlaǵyshyna qamaýǵa alynyp, olardyń osy sııaqty ózge de qylmystarǵa qatystylyǵy tekserilýde.  

 

 

 

 

Joǵary qaraı