Aýa raıy
Astana 2 °S
Almaty 8 °S
valıýta baǵamy
USD 389.81
EUR 430.27
RUB 6.06
CNY 54.91

Aqmola oblysynda 4600 túlek mektep bitirdi

2019 jyldyń 25 mamyr 2019 16:24

KÓKShETAÝ. QazAqparat - Búgin Aqmola oblysyndaǵy 560 mektepte 4606 túlek úshin sońǵy qońyraý soǵyldy, dep habarlaıdy QazAqparat tilshisi ákimdiktiń baspasóz qyzmetine silteme jasap.

Kókshetaý qalasyndaǵy №1 orta mektepte ótken saltanatty sharaǵa qatysqan aımaq basshysy Ermek Marjyqpaev ustazdar qaýymy men mektep bitirýshilerdi jáne olardyń ata-analaryn quttyqtap, aq jol tiledi.

«2018-2019 oqý jylynyń túlekterine erekshe quttyqtaýymdy jetkizemin. Sender úshin jaýapty kezeń bastalǵaly tur. Aldaǵy ómirge qadam basqaly jáne mamandyq tańdaýda mańyzdy sheshim qabyldaý satysynda tursyńdar. Osy bir saltanatty sát, mektep tabyldaryǵynda ótkizgen qyzyqty sátterdiń úlken bir oń ózgerisin bildiredi. Aldaǵy jetistikterińizben jáne nátıjelerińizge alǵashqy qadamdy mektepte jasadyńdar», - dedi Ermek Marjyqpaev.

Sonymen qatar, aımaq basshysy bıyl atalmysh №1 orta mekteptiń janynan 600 oryndyq ǵımarattyń qurylysy bastalatynyn atap ótti. Budan bólek, saltanatty sharada pedagogıka salasynyń ardageri Galına Marchenkova túlekterge aqjarma tilegin arnady.



null

Bir top mektep bitirýshiler muǵalimder men pedagogıkalyq eńbek ardagerleriniń qushaǵyn gúlge toltyryp, ásem áýenniń yrǵaǵymen mektep bitirýshilerdiń valsin bıledi.



null

Aıta ketý kerek, aǵymdaǵy jyly oblys boıynsha 11 synypty 4606 túlek bitirdi. Onyń 240-i «Altyn belgi» ıegeri, 169-y úzdik attestat ıegeri. Kókshetaý qalalyq №1 orta mektebiniń 66 túleginiń 4-i «Altyn belgi» jáne bireýi úzdik attestat ıegeri.

Avtor Aslan Ospanov
Basty sózder: Ákim, Bilim, Aqmola oblysy,
Joǵary qaraı