Aýa raıy
Astana 27 °S
Almaty 28 °S
valıýta baǵamy
USD 386.70
EUR 427.15
RUB 6.06
CNY 54.57

Aqmola oblysyndaǵy túıneme topyraqtan shyqqan - mınıstr

2019 jyldyń 20 tamyz 2019 11:23

NUR-SULTAN. QazAqparat - QR Aýyl sharýashylyǵy mınıstri Saparhan Omarov Aqmola oblysy Arshaly aýdanyna qarasty Olgınka aýylyndaǵy túınemeniń qaıdan shyqqanyn túsindirdi, dep habarlaıdy QazAqparat tilshisi.

«Naqty aıtarym, Olgınka aýylynda bıylǵy sáýir aıynda túınemege qarsy vaktsınatsııa tolyǵymen ótkizilgen. Mal ıeleriniń vaktsınalaý jóninde qujattary bar. Túıneme maldan emes, topyraqtan juqqan. 1948 jyly túıneme boıynsha osy jerde epıdemııa bolǵan, sonyń qaldyqtary bolýy múmkin», - dep túsindirdi Saparhan Omarov Úkimet úıinde ótken baspasóz máslıhatynda.

Onyń aıtýynsha, mal 13-14 tamyz kúnderi soıylǵan. Oǵan tekserý júrgizilgen soń, 17 tamyzda ǵana karantın engizilgen.

«Soıylǵan et eshqaıda shyǵarylmaǵan, ony turǵyndar ózara bólisip alǵan. Qalǵan et sol kúni órteldi. Qazirgi ýaqytta 5 adam aýrýhanada jatyr, olardyń jaǵdaıy jaqsy, em alyp jatyr», - dedi mınıstr.

Sonymen birge, S. Omarov «Olgınkanyń ónimderi elordaǵa jetkizile me?» degen suraqqa jaýap berdi.

«Karantın bitkenshe Olgınkadan eshkim shyqpaıdy. Esh taýar da jiberilmeıdi. Aldaǵy 15 kúnde emdeý jumystaryn júrgizemiz. Sodan keıin ǵana aýyl ashylady. Sondyqtan, Nur-Sultan turǵyndaryna qaýiptenýge sebep joq», - dedi S. Omarov.

Eske salaıyq, 16 tamyzda Aqmola oblysynyń Arshaly aýdanyna qarasty Olgınka aýylynda túınemege qatysty karantın jarııalandy. 5 turǵyn aýrýhanaǵa jatqyzylyp, qazir synamalar zerttelip jatyr. Aýrýhanada jatqandardyń jaǵdaıy turaqty. Olgınka aýylynda úı janýarlary arasynda indet belgisi anyqtalǵan joq.


Joǵary qaraı