Aýa raıy
Astana 1 °S
Almaty 0 °S
valıýta baǵamy
USD 388.81
EUR 429.01
RUB 6.08
CNY 55.49

Aqmola prokýrorlary Abaı óleńderin birneshe tilde shyrqady

2019 jyldyń 18 qazan 2019 12:04

KÓKShETAÝ. QazAqparat – Aqmola oblysynyń prokýratýra qyzmetkerleri Uly Abaıdyń shyǵarmalaryn birneshe tilde oryndady, dep habarlaıdy QazAqparat tilshisi oblystyq prokýratýranyń baspasóz qyzmetine silteme jasap.

«Aqmola oblysynyń prokýratýrasy uly Abaıdyń 175 jyldyǵyna arnalǵan baıqaý uıymdastyrdy. Іs-sharaǵa oblys jáne aýdan prokýratýralarynyń jas qyzmetkerleri belsene qatysty. Abaı shyǵarmalary álemniń 116 tiline aýdarylǵandyǵy bárine málim. Prokýratýra qyzmetkerleri ár túrli ult ókilderiniń tıisti naqyshtaǵy ulttyq kıimderinde uly aǵartýshy-aqynnyń óleńderin qazaq, orys, aǵylshyn, nemis jáne ázerbaıjan tilderinde oqydy. Ańyzǵa aınalǵan «Kózimniń qarasy» áni de barlyq kórermenderdiń úlken yqylasyna bólendi», dedi vedomstvonyń baspasóz qyzmetindegiler.




Jas urpaq - oblys prokýratýrasy qyzmetkerleriniń balalary da is-sharadan tys qalmady. Balalar Abaıdyń shyǵarmalaryn jatqa oqyp, osylaısha qazaqtyń kórnekti aqynynyń shyǵarmashylyǵyna degen súıispenshilikterin bildirip, uly babamyzǵa qurmet kórsetti.

«Búgingi is-sharadaǵy uly Abaıdyń shyǵarmalary halyqtar arasyndaǵy tereń baılanystyń, izgi qurmet pen túsinispenshiliktiń dáleli boldy. Baıqaý sońynda Abaı oqýlarynyń qatysýshylary oblys prokýrorynyń estelik gramotalarymen marapattaldy», dep tolyqtyrdy vedomstvodan.




Aıta keterligi, QR Prezıdenti Qasym-Jomart Toqaev Abaıdyń 175 jyldyǵyna arnalǵan 9 jasar mektep oqýshysynyń estafetasyn qabyl alyp, ony Bilim jáne ǵylym mınıstri Ashat Aımaǵambetovke jáne búkil álemdi moıyndatqan talantty ánshi Dımash Qudaıbergenge joldaǵan edi. Keıin chellendjge qoǵam jáne mádenıet qaıratkerleri, elshiler, belgili tulǵalar, álemge tanymal kásipkerler men aqparat agenttikteriniń ujymy da qatysty.




Joǵary qaraı