Aýa raıy
Astana 1 °S
Almaty 7 °S
valıýta baǵamy
USD 389.81
EUR 430.27
RUB 6.06
CNY 54.91

Aqmolada bulshyq etin ósirý úshin dári ishken 4 bozbala es-tússiz jatyr

2019 jyldyń 25 mamyr 2019 19:16

KÓKShETAÝ. QazAqparat - Aqmola oblysynda tórt jasóspirim dáriden ýlanyp qaldy, dep habarlaıdy QazAqparat.

Aqmola oblysy densaýlyq saqtaý basqarmasynyń habarlaýynsha, búgin Ereımentaý aýdandyq aýrýhanasyna saǵat 15:00-den bastap araǵa eki saǵattan salyp 4 jasóspirim kelip túsken. Ýlanǵandardyń jasy 13-15 jas aralyǵynda.

«Barlyq naýqastar Oljabaı batyr aýylynda turady. Kelip túsken kezde balalardyń jaǵdaıy aýyr bolatyn. Aǵzanyń ýlanýy, qalshyldaý jáne nevrologııalyq sımptomdar baıqaldy. Aqyl-esiniń jaǵdaıy - sopor-koma», - deıdi densaýlyq saqtaý basqarmasynyń mamandary.

Jaǵdaıdy zerdeleý barysynda ár balanyń keshe keshten bastap «Fınlepsın» dárisiniń 15 tabletkasyn jutqany belgili boldy. Olar muny bulshyq etin ósirý úshin ishken.

«Dárilik preparat «epılepsııa» syrqatymen esepte turatyn bir balada bolǵan. Qazirgi tańda tórteýi de anestezıologııa, jansaqtaý jáne ıntensıvti terapııa bóliminde em alyp jatyr», - dep málim etti vedomstvodaǵylar.

Qazirgi tańda respýblıkalyq sanavıatsııadan - toksıkolog maman, al oblystyq kópsalaly aýrýhanadan - reanımatolog Ereımentaý aýdanyna joldandy.

Basqarma mamandarynyń sózinshe, naýqastardyń bireýi esin jıǵan. Jasóspirimderdiń budan ári qaraıǵy jaǵdaıy týraly qosymsha habarlanady.

Avtor Janat Qapalbaeva
Basty sózder: Aqmola oblysy, Oqıǵa,
Joǵary qaraı