Aýa raıy
Astana 13 °S
Almaty 23 °S
valıýta baǵamy
USD 386.05
EUR 428.25
RUB 5.84
CNY 54.65

Aqmolada polıtsııa qyzmetkerleri qylmystyq top qurǵan

2019 jyldyń 15 shilde 2019 17:27 332

KÓKShETAÝ. QazAqparat – Aqmola oblysynda uıymdasqan qylmystyq top qurǵany jáne para alǵany úshin polıtsııa qyzmetkerleri sottaldy, dep habarlaıdy QazAqparat tilshisi.

Aqmola oblysy boıynsha jemqorlyqqa qarsy is-qımyl departamentiniń málimetinshe, uıymdasqan qylmystyq top qurǵan Stepnogor qalalyq PB basshysynyń orynbasary, polıtsııa polkovnıgi T.Dúısembaev, Bestóbe kenti polıtsııa bóliminiń basshysy, polıtsııa kapıtany D. Aınageldınov, Aqsý kenti polıtsııa bóliminiń basshysy, polıtsııa podpolkovnıgi S.Bıbatyrov, Stepnogor qalalyq PB krımınaldy polıtsııa bóliminiń qyzmetkeri, polıtsııa kapıtany A.Qulyshev, uıymdasqan qylmyspen kúres bóliminiń qyzmetkerleri polıtsııa maıory A.Jekibaev jáne azamat B.Mádıevke qatysty sotqa deıingi júrgizilgen qylmystyq isti tergeý sharalary aıaqtaldy.

Atalǵan tulǵalar «Qazaqaltyn»TKMK» AQ quramynda altyny bar rýdasynyń zańsyz aınalymyna qatysty tulǵalardan júıeli túrde para alýy úshin uıymdasqan qylmystyq top qurǵan. 2019 jyly 15 shildede Aqmola oblysynyń qylmystyq ister boıynsha mamandandyrylǵan aýdanaralyq sotynyń sheshimimen T.Dúısembaev 11 jylǵa, D.Aınageldınov, S.Bıbatyrov, A.Qulyshevter 10 jylǵa, A. Jekibaev 8 jylǵa jáne B. Mádıev 6 jylǵa sottaldy.

Sottalýshylar ómir boıyna memlekettik qyzmette isteý quqyǵynan, sondaı-aq, polıtsııa ofıtseri arnaıy ataǵynan aıyryldy.

Avtor Aslan Ospanov
Basty sózder: QR ІІM, Sot, Aqmola oblysy,
Joǵary qaraı