Aýa raıy
Astana 4 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Aqmolada til janashyrlary marapattaldy

2019 jyldyń 18 qyrkúıek 2019 20:52

KÓKShETAÝ. QazAqparat – Aqmola oblysynda tilder onkúndiginiń jabylýyna oraı saltanatty shara ótip, birqatar til janashyrlary Aqmola oblysy ákiminiń Alǵys hatymen marapattaldy, dep habarlaıdy QazAqparat tilshisi.

Kókshetaýdaǵy «Dostar» mádenıet saraıynda uıymdastyrylǵan sharaǵa qatysqan Aqmola oblysy ákiminiń orynbasary Aına Mysyrálimova sharanyń mańyzyna toqtala kele, elimizdi mekendegen barlyq etnostardyń tilin, mádenıetin saqtap, damytýǵa mol múmkindikter qarastyrylyp otyrǵanyn atap ótti.

«Til – qasıetti uǵym. Ultymyzdyń uly qazynasy, halqymyzdyń rýhanı qýatynyń negizi. Ǵasyrlar boıy talaı qıyndyqty bastan keshirgen halqymyzdyń óz qasıetin joǵaltpaı, ulttyq bolmysyn saqtap qalýyna tilimiz tirek boldy. Ata-babamyzdan mura bolyp qalǵan baı da, kórkem ana tilimizdi bolashaq urpaqqa amanat etip qaldyrý bizdiń qasıetti boryshymyz. «Qazaqtyń bolashaǵy - memlekettik tilde» - degen edi Elbasy Nursultan Ábishuly Nazarbaev. Qazaqstan qaryshtap damyp, ozyq elderdiń qataryna jetýge umtylýda. Osy bıik maqsatqa jetý jolynda búkil qazaqstandyqtardyń basyn biriktiretin asa mańyzdy faktor – memlekettik til», - dedi Aına Mysyrálimova.





Sharada óńirdiń qoǵamdyq ómirinde belsendilik tanytyp, tildiń damýyna súbeli úles qosyp júrgen birqatar til janashyrlary Aqmola oblysy ákiminiń Alǵys hatymen marapattaldy.

Sondaı-aq, shara barysynda oblystyq ádebıet jáne óner murajaıy ázirlegen kórme kelýshiler nazaryna usynyldy.














Joǵary qaraı