Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Aqmolalyq palýan qyzdar el chempıonatynda 5 júlde ıelendi

2019 jyldyń 25 maýsym 2019 22:29

KÓKShETAÝ. QazAqparat - Aqmolalyq palýan qyzdar Qazaqstan chempıonatynda 5 birdeı júldege qol jetkizdi, dep habarlaıdy QazAqparat tilshisi oblystyq dene shynyqtyrý jáne sport basqarmasynyń baspasóz qyzmetine silteme jasap.

Vedomstvonyń málimetinshe, Stepnogorsk qalasynda 23 jasqa deıingi qyzdar arasynda áıelder kúresinen Qazaqstan chempıonaty ótti. Jarysqa elimizdiń ár óńirinen kelgen, 12 komandaǵa bólingen 61 qyz qatysty. Jeńimpazdardan áıelder kúresinen ulttyq qurama jasaqtalyp, aǵymdaǵy jyldyń qazan aıynda Vengrııa astanasy Býdapesht qalasynda ótetin U-23 álem chempıonatynda el namysyn qorǵaıtyn bolady.

«Bul joly jeńimpazdar 10 salmaq boıynsha anyqtaldy. Komandalyq esepte Aqmola oblysynyń quramasy Almaty jáne Shymkent qalalarynyń palýandaryn artqa tastap, birinshi oryn ıelendi.

Naqtyraq alsaq, Irına Kýznetsova (62 kg), Albına Qaıyrgeldınova (68 kg) jáne Aleksandra Zaıtseva (76 kg) chempıon atandy. Marıny Zýevoı (57 kg) kúmis, Ellada Mahıaddınova (53 kg) qola júldeger atandy», deıdi vedomstvonyń baspasóz hatshysy Mahabbat Bolshına.

Avtor Aslan Ospanov
Basty sózder: Sport, Aqmola oblysy,
Joǵary qaraı