Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Aqmolalyqtar Birjan saldyń 185 jyldyq mereıtoıyn dúrkiretip atap ótti

2019 jyldyń 7 qyrkúıek 2019 15:30

KÓKShETAÝ. QazAqparat - Aqmola oblysynda Birjan saldyń 185 jyldyq mereıtoıy keńinen atalyp ótildi, dep habarlaıdy QazAqparat tilshisi.

Birjan sal aýdany ákimdiginiń málimetinshe, aıtýyly shara Stepnıak qalasyndaǵy aýdandyq mádenıet úıinde sándik-qoldanbaly óner, tarıhı kórme, ulttyq qolóner kórmesimen bastaldy. «Ǵasyrlar amanaty» tarıhı-etnografııalyq kórmesinde aýdan turǵyndary men qonaqtarynyń nazaryna Aqmola oblystyq tarıhı-ólketaný mýzeıiniń qorynda saqtalǵan qazaq halqynyń baǵaly artefaktileri men materıaldyq jáne rýhanı mádenıetiniń jádigerleri usynyldy. Kórmeni Aqmola oblysy men Qazaqstan óńirleriniń óner maıtalmandary tamashalady.




Kórme Birjan sal jáne onyń zamandastary ómir súrgen rýhanı álemge janasýǵa jáne ulttyq turmys zattaryna jańa kózqaraspen qarap, olardyń arasyndaǵy tereń ózara baılanysty túsinýge múmkindik berdi.




Budan soń shara án dúldili Birjan saldyń ómir joly men shyǵarmashylyǵyna arnalǵan ǵylymı-praktıkalyq konferentsııasy ulasty.


«Ataqty akademık Ahmet Jubanov «Birjan –qazaqtyń halyqtyq mýzyka mádenıetiniń alyby. Óner qaıratkeri, azamat Birjannyń aty qazaq mýzykasynyń tarıhynda altynmen jazylady» degen sózderi shyndyqqa aınalyp, mine búgin biz barshamyz Uly babamyzdyń 185 jyldyq torqaly toıyna kýá bolyp otyrmyz. Óz dáýirinde Segiz seri, Nııaz serilerdiń izin jalǵap, arqanyń tunyǵy shaıqalmaǵan tuma óneri órnegi bólek dástúrli án mektebiniń sara jolyn qalyptastyrǵan Birjan sal,qazaq mýzykasyn jańa bıikke kóterdi», - dedi konferentsııaǵa qatysýshylar.





Bul kúni mereıtoıǵa jınalǵan halyq ot aýyzdy, oraq tildi Shóje, Súıinbaı, Qultýma, Tastanbektiń Sarasy sekildi qara sózdiń qaımaǵyn qalqyp alǵan aqyndar salǵan izdi jalǵastyryp kele jatqan, búginde esimderi elge tanymal talanty óneri ıeleri Dıdar Qamıev, Botakóz Muhıtdenova, Álibek Serǵalıev, Ásem Jumaǵazına, Maqsat Aqanov, Arzygúl Qaıynbek syńdy aqyndardyń qatysýymen ótken aqyndar aıtysyn da tamashalady.
Sonymen qatar, sharada aýdan ákimi Ermek Nuǵymanov óńirdiń áleýmettik - ekonomıkalyq damýyna súbeli úles qosqan bir top azamatty marapattady.











Merekelik shara Sh.Qusaıynov atyndaǵy qazaq mýzykalyq-drama teatrynyń teatrlandyrylǵan qoıylymy men Qajybaı Jaqın, Saıan Muhamedııarov, Sársenbaı Hasenov, Erlan Rysqalı, Dáýlet Muhtarhan, Danııar Muhan, búginde qazaq ónerine tyńnan túren salǵan ónerpaz Nursultan qalalyq memlekettik akademııalyq fılormonııasynyń kameralyq horynyń kórkemdik jetekshisi Gúlmıra Quttybadamova syndy óner maıtalmandarynyń qatysýymen ótken merekelik kontsertke jáne ulttyq sport túrleri boıynsha uıymdastyrylǵan saıysqa ulasty.

















Avtor Aslan Ospanov
Basty sózder: Ádebıet, Mádenıet, Aqmola oblysy,
Joǵary qaraı