Aýa raıy
Astana -3 °S
Almaty 1 °S
valıýta baǵamy
USD 389.75
EUR 434.26
RUB 6.12
CNY 55.05

Aqmolanyń Sandyqtaý aýdanynda memlekettik tildegi 30 oqýlyq tanystyryldy

2019 jyldyń 12 qyrkúıek 2019 06:42

KÓKShETAÝ. QazAqparat - Aqmola oblysynyń Sandyqtaý aýdanynda «Jańa gýmanıtarlyq bilim. Qazaq tilindegi 100 jańa oqýlyq» jobasy sheńberinde qazaq tiline aýdarylǵan 30 oqýlyq pen oqý quraly tanystyryldy, dep habarlaıdy QazAqparat tilshisi.

Óńirlik kommýnıkatsııalar qyzmetiniń málimetinshe, alǵashqy aqparattyq - túsindirý jumystaryna «Rýhanı jańǵyrý» óńirlik jobalyq keńsesi men Jastar resýrstyq ortalyǵynyń qyzmetkerleri qatysty.

Kókshetaýdan barǵan qonaqtardy Balkashındegi №1 orta mekteptiń 9-10 synyp oqýshylary qarsy aldy.

«Rýhanı jańǵyrý» óńirlik jobalyq keńesesiniń basshysy Qaırat Seıtqazın men Jastar resýrstyq ortalyǵy aqparattyq- taldaý bóliminiń basshysy Gúlzat Bekbaýova joǵary synyp oqýshylaryna almysh kitaptardy úlestirdi.

Oqýlyqta fılosofııa, sotsıologııa, psıhologııa, ekonomıka, til meńgerý, kásipkerlik, dintaný, antropologııa jýrnalıstıka salalary qamtylǵan.

«Joǵary oqý orny nemese arnaıy orta kolledjge oqýǵa túsip, bilimińdi odan ári shyńdaý qajet. Osy kezde, sizge ádebı kitaptar teńdesiz kómek kórsetedi», - dep atap ótti «Rýhanı jańǵyrý» óńirlik jobalyq keńsesiniń basshysy Qaırat Seıtqazın.

Osyndaı pikirdi Jastar resýrstyq ortalyǵy aqparattyq- taldaý bóliminiń basshysy Gúlzat Bekbaýova da aıtty.

Jalpy, qyrkúıek aıynyń sońyna deıin aqparattyq-nasıhat toby oblystyń barlyq aýdandarynda bolyp, osyndaı kezdesýler ótkizbekshi.

Avtor Aslan Ospanov
Basty sózder: Ádebıet, Bilim, Aqmola oblysy,
Joǵary qaraı