Aýa raıy
Astana -7 °S
Almaty -3 °S
valıýta baǵamy
USD 388.81
EUR 429.01
RUB 6.08
CNY 55.49

Aqsaıda jol apatynan eki adam mert boldy

2019 jyldyń 19 qazan 2019 19:11

ORAL. QazAqparat – Aqsaı qalasynda jol apatynan eki adam mert boldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin tańerteń «Neftek» janar-jaǵar maı quıý stansasy mańynda bolǵan.

«Lada Granta» qarsy betke shyǵyp ketip, «VAZ-2114» avtokóligimen soqtyǵysqan. Sonyń saldarynan «VAZ-2114» avtokóliginiń júrgizýshisi men jolaýshysy qaza tapty.

Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdemge shaqyrtý 07.25-te túsken. 71 jasar áıel men 69 jastaǵy er adam jedel járdem kelgenge deıin kóz jumdy.

Aldyn ala málimet boıynsha jabyq bas-mı jaraqatyn alyp, denesi kógergen 33 jastaǵy er adam aýdandyq aýrýhanaǵa jetkizildi.

Qazirgi kezde oqıǵanyń jaı-japsary anyqtalyp jatyr.

Avtor Eljan Eraly
Basty sózder: Oqıǵa, Batys Qazaqstan oblysy,
Joǵary qaraı