Aýa raıy
Astana -8 °S
Almaty 13 °S
valıýta baǵamy
USD 389.98
EUR 434.01
RUB 6.10
CNY 55.04

Aqtaýda jappaı tóbeles boldy

2019 jyldyń 23 qyrkúıek 2019 13:24

AQTAÝ. QazAqparat – Aqtaýda 12-shi shaǵynaýdandaǵy №61 úıdiń janynda jappaı tóbeles boldy, dep habarlaıdy QazAqparat tilshisi.

Oqıǵa 22 qyrkúıek kúni keshki saǵat 19.30 shamasynda bolǵan. Fýtboldan oıyn ótip, komandalar arasyndaǵy báseke barysynda №16 jáne №12 mektep oqýshylarynyń arasynda janjal týyndaǵan. Onyń sońy tóbeleske ulasady. Kýágerler oqıǵany vıdeoǵa túsirip alyp, áleýmettik jelige taratqan.

Mańǵystaý oblystyq polıtsııa departamentiniń habarlaýynsha, tóbeleske qatysqan balalar ustalǵan.

«102» kezekshi pýltine 12-shaǵynaýdanda tóbeles bolǵany týraly shaqyrý kelip tústi. Shaqyrýǵa patrýl polıtsııa batalonynyń qyzmetkerleri men ýchaskelik ınspektorlar bardy. Atalǵan tóbeleske qatysýshylardyń barlyǵy ustalyp, jaýap alý úshin Aqtaý qalasynyń polıtsııa basqarmasyna jetkizildi. Tóbeleske qatysy bar jasóspirimder profılaktıkalyq áńgimeden keıin úıine jiberildi. Atalǵan fakti «Buzaqylyq» baby boıynsha tirkeldi. Alaıda, barlyq mán-jaı anyqtalǵannan keıin qylmystyq is qozǵalǵan joq»,-delingen habarlamada.

Polıtsııa basqarmasyna eshqandaı shaǵym túspegen.

Ata-analar polıtsııa basqarmasyna shaqyrylyp, ıývenaldyq polıtsııa qyzmetkerleri men oblys ákimdigi janyndaǵy balalar quqyǵyn qorǵaý bóliminiń qyzmetkerleri ata-analarmen jáne olardyń balalarymen profılaktıkalyq áńgime júrgizdi.

Avtor Láılim Álim
Basty sózder: Mańǵystaý oblysy, Oqıǵa,
Joǵary qaraı