Aýa raıy
Astana 19 °S
Almaty 26 °S
valıýta baǵamy
USD 384.87
EUR 432.52
RUB 6.11
CNY 55.95

Aqtóbe oblysynyń Qandyaǵash qalasynda bazar órtendi

2019 jyldyń 26 maýsym 2019 02:47 1622

NUR-SULTAN.  QazAqparat- Aqtóbe oblysy, Qandyaǵash qalasyndaǵy bazardan órt shyqty. Bul týraly QazAqparat tilshisine QR Tótenshe jaǵdaılar  komıtetiniń resmı ókili Nursultan Nurahmetov málim etti.

«2019 jyldyń 25 maýsymy kúni saǵat 21:34-te «101» pýltine Aqtóbe oblysy, Muǵaljar aýdany, Qandyaǵash qalasyndaǵy «Alan» ortalyq bazarynyń 2 qabatty ǵımaraty órtenip jatqany týraly habar kelip tústi. Órt ǵımarattyń 1 qabatyndaǵy oıynshyqtar men muzdatqyshtar satatyn býtıginen shyqqan.  Órt saǵat 22:00-de aýyzdyqtalyp,  saǵat 22:24-te tolyq sóndirildi» - dedi N.Nurahmetov.

Onyń aıtýynsha,  jalyn 36 sharshy metr aýmaqty sharpyǵan, zardap shekkender joq.

Sondaı-aq, komıtet ókili órt sóndirýge jeke quramnyń 9 mamany jáne Aqtóbe oblystyq TJD-nyń 2 órt sóndirý tehnıkasy jumyldyrylǵanyn aıtyp ótti.

 

 

Joǵary qaraı