Aýa raıy
Astana 1 °S
Almaty 7 °S
valıýta baǵamy
USD 388.70
EUR 428.70
RUB 6.08
CNY 55.46

Aqtóbede 1 mln sharshy metr turǵyn úı paıdalanýǵa beriledi

2019 jyldyń 19 maýsym 2019 20:13

AQTÓBE. QazAqparat - Aqtóbe oblysy boıynsha «Nurly jer» baǵdarlamasy aıasynda bıyl 1 mıllıon sharshy metr turǵyn úı salynady, dep habarlaıdy QazAqparat tilshisi.

Aqtóbe oblysy boıynsha «Nur Aqtóbe» yqsham aýdanynda qurylysy jumysy qarqyndy júrip jatyr. 2019 jyldyń qańtar-mamyr aılary aralyǵynda 244 myń sharshy metr turǵyn úı paıdalanýǵa berildi.

«Qazir aýmaǵy 30,9 sharshy metr bolatyn satyp alý quqyǵynsyz jaldamaly páter salynyp jatyr. Munda barlyǵy 533 páter bolady. Turǵyn úı Aqtóbe qalasy men aýdandarda boı kóteredi. Sonymen qatar, «Báıterek Development» AQ arqyly 64,2 myń sharshy metr turǵyn úı salynady. Munda 1191 páter bolady», - dep habarlady oblys ákiminiń baspasóz qyzmeti.

«Aqtóbe» áleýmettik-kásipkerlik korporatsııasy eki turǵyn úı salyp jatyr. Bes qabatty turǵyn úıde 305 páter bar. Aldaǵy ýaqytta kommertsııalyq páterlermen qatar kópbalaly, muqtaj otbasylar men bıýdjettik sala qyzmetkerlerine osy turǵyn úıden baspana beriledi.

«Bul «Aqtóbe» áleýmettik-kásipkerlik korporatsııasynyń alǵashqy jobasy. Biz 2 gektardan astam jer men daıyn jobalyq-smetalyq qujat berdik. Qurylys kompanııasy salyp, bir bóligin memleketke beredi. 2019 jyldyń aıaǵynda qurylys jumysy aıaqtalyp, qoldanysqa beriledi. Joba quny - 3,1 mıllıard teńge. Aldaǵy ýaqytta osy jolmen úı salý jumysy jalǵasady. Qazir jobalarymyz daıyn», - dedi «Aqtóbe» áleýmettik-kásipkerlik korporatsııasy qurylys jáne jer qatynastary basqarmasynyń bas menedjeri Jambyl Nurbaev.

Ári «Nur-Aqtóbe» yqsham aýdanynda áleýmettik osal topqa arnap 27 turǵyn úıdiń qurylysy bastaldy. Aýmaǵy - 86,2 myń sharshy metr. Onda 1341 páter bolady.

«Bıyl Turǵyn úı qurylys jınaq banki arqyly «Baqytty otbasy» baǵdarlamasy iske asyrylady. Oblysta turǵyn úı sertıfıkatyn bólýge 200 mıllıon teńge bıýdjetten bólindi. Bul aqsha alǵashqy jarna tóleı almaıtyn otbasylarǵa beriledi», - dedi oblys ákiminiń baspasóz qyzmeti.

Eske salsaq, Prezıdent Qasym - Jomart Toqaev on baǵytty atady. Besinshi baǵytta turǵyn úı máselesin sheshý tapsyrǵan.

Joǵary qaraı