Aýa raıy
Astana -10 °S
Almaty -1 °S
valıýta baǵamy
USD 388.70
EUR 428.70
RUB 6.08
CNY 55.46

Aqtóbede 100-den astam qalta urysynyń fotosy qoǵamdyq oryndarǵa ilindi

2019 jyldyń 18 shilde 2019 17:02

AQTÓBE. QazAqparat - Aqtóbe polıtsııasy 100-den astam qalta urysynyń fotosyn avtobýstar men aıaldamalarǵa ilip qoıdy, dep habarlaıdy QazAqparat tilshisi.

Urylar tańerteń saǵat 7:30 ben 9:00 jáne keshki saǵat 17:00 men 19:00 aralyǵynda avtobýs ishinde júredi.
«Áıelder men qyzdar aqshalaryn, uıaly telefondaryn, baǵaly zattaryn urlatyp alady. Qujattar men ámııandy polıetılen paketke jáne artqy qaltaǵa salyp júrýge bolmaıdy. Jolaýshylarǵa tym jaqyn turmaǵan jón. Jyl basynan beri Aqtóbe qalasy aýmaǵynda 358 qalta urlyǵy tirkelip, onyń ishinde 45 adam ustaldy. 59 qylmystyq is dáleldenip, birneshe urlyq jasaǵandary da anyqtaldy», - dep habarlady oblystyq PD baspasóz jetekshisi Erbolat Sarqulov.
Qalta urlyǵyna qarsy kúresti kúsheıtý jáne aldyn alý maqsatynda «Avtopark» seriktestigi men «Trolleıbýs parki» mekemesiniń qyzmetkerlerimen birlesken jumystar júrgizilýde. «Abaılańyz, qalta urylary» atty býkletter jasalyp, qalta urylary retinde ishki ister organdarynda esepte turǵan 78 adamnyń fotosýreti men kórneki plakattar avtobýs ishine ilindi.

Aqtóbe oblystyq polıtsııa departamentinde 100 adam qalta urysy retinde arnaıy esepte tur. Bıyl oǵan taǵy 20 adam qosyldy.

Joǵary qaraı