Aýa raıy
Astana 15 °S
Almaty 20 °S
valıýta baǵamy
USD 383.43
EUR 432.47
RUB 6.12
CNY 55.78

Aqtóbede aýyl turǵyndary aýyz sýsyz otyr

2019 jyldyń 25 maýsym 2019 18:35 314

AQTÓBE. QazAqparat - Aqtóbe qalasyndaǵy Aqjar-2 aýylynyń turǵyndary aýyz sýǵa zárý. Búgin turǵyndar shaǵymyn aıtyp, ákimdikten jaýabyn aldy, dep habarlaıdy QazAqparat tilshisi.

 Aqjarlyqtar jazdyń ystyǵynda sýǵa jarymaı otyr. Tańerteń syzdyqtap aǵyp, toqtap qalady. Sondyqtan aýyl halqy aýyz sýdy qaladan tasıdy, keıde satyp ta alady.

«Jazdyń eki aıynda sýsyz qalyp otyrmyz. Belgili bir ýaqyty da joq. Baý-baqshamyz bar, biraq sýara almaı otyrmyz. Adamdar 50-60 myń teńgege deıin aıyppul salamyz dep qorqytady», - zeınetker Serik Qýanuly.

Búgin aýyl turǵyndaryna jańa ákim Mavr Abdýllın bardy.

«Turǵyndar sý, qoqys máselesin kóterip jatyr. Biz sýǵa jaýapty «Aqbulaq» AQ-men kezdestik. Erteńge deıin jerasty sý qory týraly aqparat beredi. Qazir 4 uńǵyma jumys istep tur. Árqaısysy 25 tekshe metr sý beredi. Qoǵamdyq kólik, kóshe jaryqtandyrý baǵytynda jumys isteımiz», - dedi Aqtóbe qalasynyń ákimi Mavr Abýllın.

Turǵyndardyń aıtýynsha, másele 2011 jyldan beri kótelip keledi. Alǵashqy kezde bul aýylda 1200 úı bolsa, qazir halyq sany eki ese ósken.

«2011 jyly qalaǵa kóship keldim. Úsh jyldaı páter jaldap júrip, osy jerdi alǵan edim. Salǵan úıim de bitken joq. Sol bitpegen úıde bes balammen turyp jatyrmyz. Joldasym úıge qaraıdy. Qazir 50 myń teńge jalaqyma tek sý alyp iship otyrmyn. Aptasyna kir jýatyn sýdy da satyp alamyz. Árkimnen jalynyp, bótelkelep  sý suraımyz»,- deıdi Polat Almaǵambetov.

Jergilikti ákimdik bul máseleniń naqty qaı kúnin sheshiletinin aıta almady.

 

 

Avtor Altynaı Saǵyndyqova
Basty sózder: Ákim, Qoǵam, Aqtóbe oblysy,
Joǵary qaraı