Aýa raıy
Astana 14 °S
Almaty 16 °S
valıýta baǵamy
USD 385.96
EUR 423.78
RUB 6.03
CNY 54.16

Aqtóbede eki qyzdy pyshaqtaǵan kúdikti izdestirilip jatyr

2019 jyldyń 21 tamyz 2019 18:12

AQTÓBE. QazAqparat - Aqtóbe qalasy mańyndaǵy Qurshasaı aýylynda eki qyzdy tanysy pyshaqtap, oqıǵa ornynan qashyp ketken, dep habarlaıdy QazAqparat tilshisi.

Oqıǵa 19 tamyz kúni saǵat 11:00 shamasynda bolǵan. Eki qyzdyń pyshaqtalǵany týraly aqparat «102» telefon nómirine kelip túsken.
«Kúdiktiniń kim ekeni anyqtaldy. Ol pyshaq jaraqatyn alǵan qyzdardyń tanysy bolyp shyqty. Bir-birin jek kórgen. Qazir jedel-izdestirý sharasy ótip jatyr. Kúdiktiniń júıke aýrýlary aýrýhanasynan qashyp ketkeni týraly aqparat tarap jatyr. Bul – jalǵan», - dep habarlady oblystyq Polıtsııa departamentiniń baspasóz jetekshisi Erbolat Sarqulov.

Vedomstvo málimetine sáıkes, kúdikti Azamat Kalmenov 28 jasta.

Aqtóbe oblystyq medıtsına ortalyǵynan habarlaǵandaı, eki naýqasqa ota jasaldy, jaǵdaılary turaqty. Pyshaq biriniń arqa tusyna tıgen.

Joǵary qaraı