Aýa raıy
Astana 10 °S
Almaty 15 °S
valıýta baǵamy
USD 386.70
EUR 427.15
RUB 6.06
CNY 54.57

Aqtóbede esirtki saýdalaǵan burynǵy polıtseılerden turatyn toptyń músheleri sottaldy

2019 jyldyń 18 tamyz 2019 02:32

AQTÓBE. QazAqparat – Aqtóbede esirtki saýdasymen aınalysyp kelgen burynǵy polıtsııa qyzmetkerlerinen turatyn toptyń músheleri sottaldy, dep habarlaıdy QazAqparat QR UQK saıtyna silteme jasap.

«QR UQK Aqtóbe oblysy boıynsha departamenti kannabıs esirtki quraly zańsyz aınalysyna qatysy bar, quramyna burynǵy polıtsııa qyzmetkerleri A.Jaqsylyqov (1970 jylǵy) jáne B. Muhamedıarov (1966 jylǵy) kirgen toptyń zańsyz is-áreketin anyqtap, jolyn kesti», delingen habarlamada.

Atap aıtqanda, 2019 jylǵy 20 aqpanda UQK departamenti Aqtóbe oblysy Polıtsııa departamentiniń Uıymdasqan qylmysqa qarsy kúres basqarmasynyń burynǵy qyzmetkeri A. Jaqsylyqovty 30 keli «marıhýanany» ótkizý kezinde ustaǵan.

Júrgizilgen jedel kombınatsııa nátıjesinde tárkilengen esirtkini jetkizýshi buryn Aqtóbe qalalyq Іshki ister departamentiniń Esirtki bıznesine qarsy kúres bólimi bastyǵy bolǵan B. Muhamedıarov anyqtalǵan.

2019 jyly 21 aqpanda B. Muhamedıarovty ustaý boıynsha jedel-izdestirý is-sharalary júrgizilip, odan shamamen 1 kg marıhýana, tirkelmegen qarý, pyshaqtar men oq-dáriler (12 jáne 16 kalıbrli, 7,62 mm jáne 5,45 mm 100-den asa patrondar, MP 2 patrony) tárkilendi.

«2019 jylǵy 8 tamyzdaǵy Aqtóbe oblysy qylmystyq isteri jónindegi mamandandyrylǵan aýdanaralyq soty úkimimen A. Jaqsylyqov QR QK 297- baby, 3-tarmaǵy boıynsha kináli dep tanylyp, 11 jyl bas bostandyǵynan aıyrýǵa, B. Muhamedıarov QR QK 297-baby, 2, 3-bóligi, 280-baptyń 2-bóligi jáne 287-baptyń 3-bóligi boıynsha 13 jyl bas bostandyǵynan aıyrýǵa kesildi», delingen habarlamada.

Joǵary qaraı