Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Aqtóbede urlanǵan kólikti minip ketken adam dúken men býkmekerlik keńseni tonaǵan

2019 jyldyń 20 maýsym 2019 01:10

AQTÓBE. QazAqparat - Aqtóbede eki buryn urlanǵan kólik búgin qala ishinen tabyldy. Ony júrgizgen adam azyq-túlik dúkeni men býkmekerlik keńsege qaraqshylyq shabýyl jasaǵany anyqtaldy, dep habarlaıdy QazAqparat tilshisi.

Jol-patrýldik polıtsııa qyzmeti Aqtóbe qalasynyń Týrgenev kóshesinen «Opel» markaly kóliktiń qarsy baǵytqa shyǵyp ketkenin anyqtady. Jol erejesin buzǵan kóliktiń eki kún boıy izdeýde bolǵany belgili boldy.

«Júrgizýshi oqıǵa ornynan qashyp ketpek boldy. Alaıda polıtsııa qyzmetkerleri ustap, №3 Almaty aýdandyq polıtsııa bólimine jetkizdi. Tergeý kezinde kúdiktiniń eki qaraqshylyq shabýylǵa qatysy bar ekeni anyqtaldy. ıAǵnı, 23 mamyr kúni saǵat túngi 3 shamasynda azyq-túlik dúkenine baryp, satýshyny qorqytyp, 133 myń teńge aqsha men birneshe qorap temekini alyp ketken. Al 11 maýsym kúni saǵat 9:00-de «Máskeý» býkmekerlik keńsesine baryp, jumysshylardy pyshaqpen qorqytyp, 100 myń teńge jáne eki uıaly telefonda alyp ketti», - dep habarlady oblystyq PD baspasóz jetekshisi Erbolat Sarqulov.

Aıta keteıik, osy derekter boıynsha sot aldy tergeý bastalyp, kúdikti qamaýǵa alyndy. Al oblystyq jergilikti polıtsııa qyzmeti basqarmasynyń bastyǵy Qanat Álıev kúdiktini ustap alǵan jol-patrýldik qyzmetkerlerin marapattap, Qazaqstan polıtsııasy kúnimen quttyqtady.

Joǵary qaraı