Aýa raıy
Astana -5 °S
Almaty 0 °S
valıýta baǵamy
USD 389.86
EUR 435.32
RUB 6.12
CNY 55.12

Aqtóbedegi munaı kompanııasy Arysqa 50 mıllıon teńge aýdardy

2019 jyldyń 25 maýsym 2019 15:39

AQTÓBE. QazAqparat - Aqtóbelikter qazir Arys qalasynyń turǵyndaryna arnap kómek berip jatyr. «SNPS-Aqtóbemunaıgaz» AQ 50 mıllıon teńge aýdardy, dep habarlaıdy QazAqparat tilshisi.

Arys qalasyndaǵy tótenshe jaǵdaıǵa baılanysty «Nur Otan» partııasy fılıaly ǵımaratynda gýmanıtarlyq kómek beketi ashyldy. Aqparat áleýmettik jeli arqyly tarady.

«Halyq túni boıy habarlasyp, qandaı kómek qajet ekenin surap bildi. Alǵashqy kómek retinde eki júk kóligi attandy. Sý, ósimdik maıy, makaron sekildi eń qajetti tamaq jiberilip jatyr. Bizdiń oblysta tótenshe jaǵdaı bolǵanda ózge oblystar kómektesti, biz de qol ushymyzdy sozamyz», - dedi «Jas Otan» jastar qanatynyń jetekshisi Asyljan Búrkitalın.

Qala turǵyndary qolda baryn bólisip jatyr.

«Áleýmettik jeli arqyly aqparatty bilip, «Nur Otan» partııasy fılıaly ǵımaratyna jınap jatqan kómekke óz úlesimdi qospaq boldym. Otbasymyzben aqyldasyp azyq-túlik ákeldik. Biz bir el bolyp, basyna is túsken turǵyndarǵa óz kómegimizdi berýimiz kerek, - deıdi qala turǵyny Klara Mámbetova.

Eń kóp qarjyny «SNPS-Aqtóbemunaıgaz» AQ aýdaryp otyr.

«Kompanııa basshysy issaparda júrgenine qaramastan qoldaý kórsetip jatyr. Syn saǵatta halyqqa kómek kórsetip, 50 mıllıon teńge aqsha aýdaryldy. Munaı ken ornyndaǵy jumysshylar da jalaqylaryn aýdarady, túsindirý jumystary bastaldy. Arys qalasynyń turǵyndaryna bar jaqsylyqty tileımiz», - dedi «SNPS-Aqtóbemunaıgaz» AQ bas dırektorynyń orynbasary, «Nur Otan» partııasy saıası keńesiniń múshesi Tahtalıfým Esenǵulov.

«Nur Otan» partııasynyń oblystyq fılıaly bir kúndik jalaqylaryn aýdardy.

Joǵary qaraı