Aýa raıy
Astana 13 °S
Almaty 18 °S
valıýta baǵamy
USD 386.77
EUR 427.26
RUB 6.00
CNY 54.56

Alpınısterdi izdestirý: Maqsut Jumaev búgingi jumystardyń nátıjesin aıtty

2019 jyldyń 20 tamyz 2019 21:01

NUR-SULTAN. QazAqparat – QR Qarýly Kúshteriniń áskerı qyzmetshisi, kapıtan Maqsut Jumaev Qyrǵyzstan taýlarynda joǵalǵan qazaqstandyq alpınısterdi izdestirý jumystarynyń búgingi nátıjesi týraly málim etti, dep habarlaıdy QazAqparat tilshisi.

«Tańerteń Jeńis shyńyn tikushaqpen aralap shyqtyq. Joǵalǵan alpınısterdi izdestirýdiń boljamdy terrıtorııasy belgilendi. Ol jerge tikushaqtarmen segiz ret sholý júrgizdik. Alpınıster bolýy múmkin jerlerdi qaraýdy tańerteń jalǵastyrý sheshimi qabyldandy. Jumystar jalǵasýda. Aýa raıy jaǵdaıy da buǵan múmkindik berip otyr. Erteń tańerteń kún raıyna qaraı qaıta ushamyz», - dedi ol QR Qorǵanys mınıstrligi usynǵan vıdeoda.

Mınıstrlik buǵan deıin usynǵan málimette Qazaqstan áskerıleri Qyrǵyzstanda Jeńis shyńyn teplovızormen sholǵyndap, aınala ushyp shyqqanyn málim etken bolatyn. «Qazirgi ýaqytta olar bazalyq lagerde. Teplovızordyń kómegimen alynǵan aqparatty óńdep jatyr. Sodan keıin budan ári qalaı áreket etý kerektigi sheshiletin bolady», - delingen edi aqparatta.

Eske salsaq, almatylyq alpınıster Murat Ótepbaev, Andreı Korneev jáne Aleksandr Chechýlın Qyrǵyz taýlarynda joǵalyp ketti. Almaty qalasynyń ákimi Baqytjan Saǵyntaev alpınıster tobynyń iz-túzsiz ketýine qatysty Instagram paraqshasynda alańdaýshylyq bildirdi. Keıinirek quzǵa órmeleýshilerdiń biriniń qyzy áleýmettik jeli arqyly qalyń kópshilikten kómek surady. Kóp uzamaı QR Qorǵanys mınıstrligi alpınısterdi qutqarý operatsııasyn bastaǵanyn málim etti. Qutqarýshylar tobyna áıgili alpınıst Maqsut Jumaev jetekshilik etýde.

QR Syrtqy ister mınıstrliginiń aqparatyna sáıkes, 2019 jyldyń 17 tamyzynda Bishkektegi qazaqstandyq konsýldyqqa Qazaqstannyń 3 alpınısi Tıan-Shan taýynyń (Qyrǵyzstan, Ystyqkól oblysy) Jeńis shyńynda joǵalyp ketkendigi týraly aqparat tústi. Qazaqstan azamattary Murat Ótepbaev, Andreı Korneev jáne Aleksandr Chechýlınniń 4 tamyz kúni Jeńis shyńyna saparlap shyqqandyǵy anyqtaldy. Olardyń barlyǵy da kásibı jáne tájirıbeli alpınıster. 14 tamyzda olar atalǵan shyńdy baǵyndyrǵan. Sol kúni aýa raıy nasharlap ketken.

Alpınıster 15 tamyz kúni shamamen saǵat 08.15-te sońǵy ret baılanysqa shyǵyp, oryn alǵan jaıtqa qatysty dabyl qaqqan. Sondaı-aq, olar A.Chechýlınniń qaza tapqandyǵyn estirtken. Alpınıster dabyl qaqqan sátte olar 6 900 metr bıiktikte bolǵan. Shatyrlary men jabdyqtaryn jel ushyryp ketken. Olar qardan shuńqyr qazyp, soǵan jasyrynǵandyqtaryn aıtqan.

Joǵary qaraı