Aýa raıy
Astana 7 °S
Almaty 18 °S
valıýta baǵamy
USD 386.70
EUR 427.15
RUB 6.06
CNY 54.57

Alpınısterdiń naqty qaı jerde ekenin bile almaı otyrmyz – Erlan Turǵymbaev

2019 jyldyń 20 tamyz 2019 10:25

NUR-SULTAN. QazAqparat – Іshki ister mınıstri Erlan Turǵymbaev Qyrǵyz taýlarynda joǵalǵan alpınısterdi izdestirý jumystary jalǵasqanyn málim etti, dep habarlaıdy QazAqparat tilshisi.

«Alpınıster boıynsha: keshe 14 tamyzda alpınıster Jeńis shyńyna deıin shyqqanymen, 15 tamyzda qar boranyna tap bolǵany habarlanǵan bolatyn. Alpınısterdiń biri qaıtys bolyp, ekeýi kómek suraǵan. Atalǵan taý shyńy Qyrǵyzstan aýmaǵynda ornalasqandyqtan, eki kún buryn qutqarý operatsııasy qolǵa alynyp, qyrǵyz shekarashylarynan áýe keńistigin paıdalaný ruqsaty alynǵan. Alaıda bizdiń qutqarýshy tikushaq qatty borannyń saldarynan bıikke kóterile almady. Búgin jergilikti ýaqyt boıynsha saǵat 10.00-de qutqarý operatsııasy qaıta jandandy. Bortta tájirıbeli qutqarýshylar barshylyq. Tikushaq taýly aımaqqa barynsha beıimdelgen», - dedi Erlan Turǵymbaev Úkimet otyrysynan keıin tilshilerdiń suraǵyna jaýap bere otyryp.

Dese de, mınıstrdiń aıtýynsha, teńiz deńgeıinen 6 myń metr bıiktikke áýe kemeleriniń kóbi kóterile almaıdy.

«Áýe kemeleri barynsha bıikke kóterilip, qutqarýshylar izdestirý jumysyn jalǵastyrady. Eń qıyny, alpınısterdiń naqty qaı jerde ekenin bile almaı otyrmyz. Sondyqtan, barynsha aýqymdy izdestirý jumystaryn qolǵa alamyz. Qazir biz GPS arqyly joq degende boljamdy oryndardy anyqtaý úshin arnaıy qyzmetterdi iske tartyp jatyrmyz», - dedi ol.

Eske salsaq, almatylyq alpınıster toby Qyrǵyz taýlarynda joǵalǵan. Almaty qalasynyń ákimi Baqytjan Saǵyntaev taýda qazaqstandyq alpınıster tobynyń joǵalyp ketýine qatysty Instagram paraqshasynda alańdaýshylyq bildirdi.

Keıinirek joǵalǵan alpınısterdiń biriniń qyzy áleýmettik jeli arqyly qalyń kópshilikten kómek surady.

Sondaı-aq, QR Qorǵanys mınıstrligi alpınısterdi qutqarý operatsııasyn bastady.

Sondaı-aq búgin Tótenshe jaǵdaılar komıtetiniń resmı ókili Nursultan Nurahmetov qutqarýshylardyń Tıan-Shan taýynda joǵalyp ketken alpınısterdi izdeýge ushyp ketkendigin habarlady.


Avtor Aıan Bekenuly
Basty sózder: Almaty, Oqıǵa, QR ІІM,
Joǵary qaraı