Aýa raıy
Astana 16 °S
Almaty 14 °S
valıýta baǵamy
USD 386.91
EUR 428.81
RUB 5.79
CNY 54.79

Alakólge bara jatqan jolaýshylar avtobýsy aýdaryldy

2019 jyldyń 15 shilde 2019 13:23 721

TALDYQORǴAN. QazAqparat - Búgin Almatydan Alakól kóline demalýshylardy jetkizbek bolǵan avtobýs aýdaryldy. Kólik ishinde 47 jolaýshy bolǵan, dep habarlaıdy QazAqparat tilshisi.

«Jol-kólik oqıǵasy Almaty-Óskemen tas jolynyń 462 shaqyrymynda tirkeldi. Avtobýstyń ishinde 47 adam bolǵan. Úsh adamǵa medıtsınalyq kómek qajet boldy. Sol sebepti, eki er adam men bir áıel Sarqan qalasynyń aýrýhanasyna jetkizildi. Atalǵan jol-kólik oqıǵasyna baılanysty QR QK 345-babynyń 2-tarmaǵyna sáıkes sot aldy tergeý bastaldy», - dedi oblystyq Polıtsııa departamentiniń baspasóz qyzmeti.

Anyqtalǵandaı, avtobýs Almaty oblysynyń Kóktuma aýylyndaǵy Alakól jaǵalaýyna demalýshylardy jetkizbek bolǵan. Polıtseılerdiń málimetinshe, jolaýshylar ary qaraı saparlaryn jalǵastyrǵan.







Aıta keteıik, qazir Taldyqorǵan-Óskemen tas jolynda kúrdeli jóndeý jumystarynyń júrgizilýine baılanysty jolaýshylar aınalma jol arqyly qatynaýda. Máselen, buǵan deıin taldyqorǵandyqtar Alakólge 5 saǵatta jetetin bolsa, qazir 11 saǵat jol júrýlerine týra kelýde. Al almatylyqtar Alakólge 8 saǵattyq jerge qazir 15 saǵat jol júrip, jetip jatqandaryn aıtady.

Avtor Samal Qabysheva
Basty sózder: Almaty oblysy, Oqıǵa,
Joǵary qaraı