Aýa raıy
Astana -3 °S
Almaty 7 °S
valıýta baǵamy
USD 389.34
EUR 428.78
RUB 6.05
CNY 55.45

Almaty oblysynda ishek qurylysy keýde tusynda ornalasqan sábı dúnıege keldi

2019 jyldyń 14 qazan 2019 17:23

TALDYQORǴAN.QazAqparat – Almaty oblysynda ishek qurylysy keýde tusynda ornalasqan sábı dúnıege keldi.

Dárigerlerdiń aıtýynsha, mundaı aýytqýmen týǵan nárestelerdiń 95 paıyzy shetinep ketedi, dep habarlaıdy QazAqparat tilshisi.

Qyrkúıektiń 29-y kúni Sarqan aýdandyq ortalyq aýrýhanasynda ishek qurylysy keýde tusynda ornalasqan sábı dúnıege kelgen. 30-y qyrkúıek kúni sábıge dereý ota jasalyp, balanyń ishek qurylysy ornyna qoıylǵan. Al 3-shi qazan kúni náreste kývez apparatymen Almaty oblystyq balalar aýrýhanasyna jetkizilgen.

«Náresteniń ishek qurylysy, kók baýyry barlyǵy keýde tusyna jyljyp ketip, ókpeni qysqan. Qazir barlyq organdar óz ornyna qoıyldy. Balaǵa ota sátti jasaldy. Sábı qazir reanımatsııadan hırýrgııa bólimine shyǵaryldy. Juma kúni anasymen birge úıine jiberemiz dep josparlap otyrmyz», - dedi Almaty oblystyq balalar aýrýhanasynyń bas dárigeri Marat Dosqalıev.

Sondaı-aq bas dárigerdiń aıtýynsha, Taldyqorǵanda 21 qyrkúıek kúni ishegi túıilip qalǵan sábı dúnıege kelgen. Qazir ol nárestege alǵashqy ota jasalyp, jaǵdaıy baqylaýda. Aldaǵy ýaqytta nárestege taǵy ota jasalatyn bolady.




Avtor Samal Qabysheva
Basty sózder: Almaty oblysy, Medıtsına, Oqıǵa,
Joǵary qaraı