Aýa raıy
Astana 12 °S
Almaty 17 °S
valıýta baǵamy
USD 389.59
EUR 429.06
RUB 6.05
CNY 55.07

Almaty oblysynda jolaýshylar poıyzy men avtobýs soqtyǵysty

2019 jyldyń 15 qyrkúıek 2019 20:24

TALDYQORǴAN.QazAqparat - Almaty oblysynda jolaýshylar poıyzy avtobýsty qaqqan sát túsirilgen vıdeo jarııalandy, dep habarlaıdy QazAqparat tilshisi.

«Mine, bizge 19:50-de Shamalǵan mańynda osyndaı jaǵdaı boldy dep habar kelip tústi. Oqıǵa ornyna dereý shyqtyq, dál qazir joldamyz. Bizge túsken málimet boıynsha jolaýshy poıyzy avtobýsty qaqqan. Biraq oqıǵa qalaı boldy, naqty aqparat qolymyzda joq. Baryp anyqtaımyz», - dedi Qarasaı aýdanynyń ákimi Jandarbek Dalabaev.

Beınejazbada shlagbaým aldynda kólikter uzyn-sonar kezekte turǵanyn kórýge bolady. Osy sátte jolaýshy poıyzy kelip avtobýsty qaǵady. Vıdeoda adamdardyń janushyra daýys shyǵaryp, aıqaılap jatqanyn estýge bolady.

QR ındýstrııa jáne ınfraqurylymdyq damý mınıstriniń keńesshisi Rýslan Imanqulovtyń bergen aqparatqa sáıkes, oqıǵa Almaty oblysyndaǵy Shamalǵan stantsııasynda bolǵan. Avtobýs júrgizýshisi sıgnaldy elemesten poıyz júretin jolǵa shyǵyp ketken. Oqıǵanyń mán-jaıy anyqtalyp jatyr.




Avtor Samal Qabysheva
Basty sózder: Almaty oblysy, Oqıǵa, Kólik,
Joǵary qaraı