Aýa raıy
Astana 9 °S
Almaty 4 °S
valıýta baǵamy
USD 389.59
EUR 429.06
RUB 6.05
CNY 55.07

Almaty oblysynyń eki aýdanyna jańa ákim taǵaıyndaldy

2019 jyldyń 13 qyrkúıek 2019 17:21

JARKENT. QazAqparat – Búgin QR Prezıdenti Ákimshiligi jáne aýdandyq máslıhattyń kelisimimen jáne Almaty oblysy ákimi Amandyq Batalovtyń ókimimen Talǵar jáne Panfılov aýdandaryna jańa ákimder taǵaıyndaldy. Bul týraly QazAqparat aýdan ákimdiginiń baspasóz qyzmetine silteme jasap habarlaıdy.

Panfılov aýdanyna ákim bolyp Talǵat Ómirálıev taǵaıyndaldy.

«Oblys basshysy Amandyq Batalov aýdan aktıvine jańa ákimdi tanystyryp, qyzmetine sáttilik tiledi. Panfılov aýdanynyń burynǵy ákimi Temirlan Bektasov basqa jumysqa aýysýyna baılanysty qyzmetinen bosatyldy» delingen baspasóz baıanynda.

Aıta keteıik, osy kúni Talǵar aýdanyna da jańa ákim taǵaıyndaldy. QR Prezıdenti Ákimshiliginiń kelisimimen Talǵar aýdanynyń ákimi laýazymyna usynylǵan Jolan Omarovtyń kandıdatýrasyna aýdandyq máslıhat depýtattary biraýyzdan qoldaý bildirdi. Búgin oblys ákimi Amandyq Batalov Talǵar aýdanynda bolyp, jańa ákimdi tanystyrdy.

Eske sala keteıik, buǵan deıin habarlaǵanymyzdaı Temirlan Bektasov oblys ákimi apparatynyń jetekshisi bolyp taǵaıyndalǵan edi.


Joǵary qaraı