Aýa raıy
Astana 1 °S
Almaty 5 °S
valıýta baǵamy
USD 388.81
EUR 429.01
RUB 6.08
CNY 55.49

Almaty polıtsııasy alma baǵyndaǵy aǵashtardyń otalýyna baılanysty isti tergeýdi bastady

2019 jyldyń 17 qazan 2019 10:48

ALMATY. QazAqparat – Almatyda belgisiz bireýler jekemenshik alma baǵynyń aǵashtaryn kesip tastaǵan. Polıtsııa turǵyndardyń shaǵymynan keıin isti tergeýdi bastady, dep habarlaıdy QazAqparat tilshisi qalalyq polıtsııa departamentine silteme jasap.

«Azamatsha J.O.Orymbaevanyń aryzy qabyldandy. Qazirgi ýaqytta Almaty qalalyq PD tergeý basqarmasynda tergeý amaldary júrgizilýde. Ol QR QK-niń 188-baby, 1-bóligi (urlyq) boıynsha sotqa deıingi tergeýdiń biryńǵaı tizilimine tirkeldi », - dep habarlady PD.

Qylmysty tergeý úshin arnaıy tergeý-jedel toby quryldy.

«Іstiń obektıvti bolýy úshin aldymen zańsyz áreketke barǵan tulǵalardy anyqtaý qajet. Sodan keıin olardy ustaý kerek. Ári qaraı jaýapqa tartý boıynsha keshendi sharalar qabyldanady», - dep tolyqtyrdy polıtsııa.

Qazir qorshaǵan ortaǵa jáne zardap shekken tarapqa keltirilgen shyǵyndy anyqtaý úshin saraptamalyq zertteýler taǵaıyndaldy.

«Qylmystyq tergeýdiń barysy Іshki ister mınıstrligi men Almaty qalalyq qorshaǵan ortany qorǵaý jónindegi mamandandyrylǵan prokýratýranyń baqylaýynda», - dedi tártip saqshylary.

Buǵan deıin, almatylyq áıel ata-anasy ósirgen almabaqtyń aǵashtaryn belgisiz bireýlerdiń kesip ketkeni týraly jazǵan edi. Baqta almanyń sırek kezdesetin «aport» jáne «kandıl» sorttary bolǵan. Urylar qorshaýdy buzyp, aǵashtardy tamyrymen julyp tastaǵan.

Avtor Alma Muqanova
Basty sózder: QR ІІM, Qylmyspen kúres, Almaty,
Joǵary qaraı