Aýa raıy
Astana -2 °S
Almaty -1 °S
valıýta baǵamy
USD 389.75
EUR 434.26
RUB 6.12
CNY 55.05

Almatyda adamdardy kóligimen qasaqana qaqqan ekinshi kúdikti ustaldy

2019 jyldyń 16 qyrkúıek 2019 17:22

ALMATY. QazAqparat – Almatyda adamdardy kóligimen qasaqana qaǵyp, jasyrynyp júrgen ekinshi kúdikti ustaldy, dep habarlaıdy QazAqparat tilshisi.

Birneshe saǵat buryn, Almaty qalasynyń Qylmystyq polıtsııa basqarmasy Bostandyq aýdanynda 2019 jyly 26 tamyzda adamdardy kóligimen qasaqana qaqty degen kúdikke ilingen 1999 jylǵy A-ny ustady.

«Kúdikti A. Almaty oblysynyń aýmaǵynda polıtsııadan jasyrynyp júrgen. Kúdikti PD tergeý bólimine jetkizildi», - dedi Almaty qalalyq Polıtsııa departamenti bastyǵynyń orynbasary Danııar Mendebaev.

Esterińizge salaıyq, oqıǵa 26 tamyz kúni, taǵy saǵat 4-ter shamasynda bolǵan. Áleýmettik jelide kóliktiń birneshe adamdy qaǵyp ketken vıdeosy jarııalandy.

Keıin Almaty polıtsııasy kólikpen adamdardy qasaqana qaǵý oqıǵasyna qatysty tolyq aqparatty jarııalady.

Sol kúni, dárigerler kólik qaqqan úsh adamnyń jaǵdaıy týraly aıtty.

Tártip saqshylary adamdardy qaqqan kólikterdi taýyp, arnaıy avtoturaqqa jetkizdi.

Kúdiktiler aǵaıyndylar ekeni anyqtaldy. Analary balalarynyń mundaı qadamǵa ózderin qorǵaý úshin barǵanyn alǵa tartty. Keıin, jelide kýágerler túsirgen taǵy bir vıdeo paıda boldy.


Avtor Alma Muqanova
Basty sózder: Almaty, Oqıǵa, Kólik,
Joǵary qaraı