Aýa raıy
Astana 13 °S
Almaty 18 °S
valıýta baǵamy
USD 386.77
EUR 427.26
RUB 6.00
CNY 54.56

Almatyda alaıaq kezeksiz úı alyp beremin dep turǵyndardan 50 mln teńge alǵan

2019 jyldyń 23 tamyz 2019 09:41

ALMATY. QazAqparat- Almatyda páterge muqtaj jandarǵa memlekettik baǵdarlama boıynsha kezeksiz baspana áperem dep eldi arbaǵan alaıaq áıel ustaldy, dep habarlady QazAqparat tilshisi.

Bostandyq aýdanynyń polıtseıleri 33 jastaǵy alaıaq áıeldi ustady. Ol almatylyqtardyń senimine kirip, iri kólemde qarjy alyp otyrǵan.

«Áıel asa iri kólemde alaıaqtyq jasady degen kúdikke ilindi. Ol 2015 jyldan bastap 2019 jylǵa deıin Bostandyq aýdanynda josparlanǵan qylmystyq shemaǵa sáıkes áreket jasaǵan. Almaty qalalyq Turǵyn úı ınspektsııasy basqarmasy men azamattar arasynda deldal bolyp kóringen. Turǵyndardyń senimine kirip, azamattarǵa memlekettik baǵdarlama boıynsha úı alyp beremin dep, qomaqty somada qarjylaryn ıemdenip ketip júrgen», - deıdi Bostandyq aýdandyq polıtsııa basqarmasynyń bastyǵy Dáýren Ótebaev.

Kúdikti J. 1986 jyly týǵan. Ol jalǵan qujattar arqyly qalalyq jáne aýdandyq ákimdikke kirip júrgen. Sol jerde baspana máselesimen júrgen adamdardy sózge tartyp, úı alyp beremin dep sendirgen. Qurbandaryna qolyndaǵy jalǵan qujatyn kórsetip, deldal arqyly úıdiń máselesin eki-úsh kúnde sheshemiz dep ýáde bergen. Ol óziniń qyzmeti úshin qomaqty qarajat suraǵan. Alaıaqtyń sózine sengender qoldaryndaǵy bar aqshalaryn oǵan ustata salǵan. Búginde kúdikti azamattarǵa 50 mln. teńge kóleminde materıaldyq shyǵyn keltirgendigi anyqtalyp otyr.




«Qazir kúdikti Almaty qalalyq PD ýaqytsha ustaý ızolıatoryna qamaýǵa alyndy. QR QK 190 baby boıynsha sotqa deıingi tergeý júrip jatyr. Polıtsııa, onyń osyǵan uqsas basqada qylmystarǵa qatysy bar-joǵyn tekserýde», - deıdi Ótebaev.

Avtor Alma Muqanova
Basty sózder: Qylmyspen kúres, Almaty,
Joǵary qaraı