Aýa raıy
Astana -1 °S
Almaty 2 °S
valıýta baǵamy
USD 389.86
EUR 435.32
RUB 6.12
CNY 55.12

Almatyda «baraholka» taǵy órtendi

2019 jyldyń 22 qyrkúıek 2019 10:21

ALMATY. QazAqparat - Ótken túni Almatydaǵy baraxolka taǵy da órtendi, dep xabarlaıdy QazAqparat tilshisi.

Almaty qalasy TJD-ge Alataý aýdany, Severnoe koltso 36 kóshesindegi Kenjexan bazarynan órt shyqqany týraly aqparat 21 qyrkúıek kúni saǵat 23:53-te kelip túsken.

«Órt sóndirýshiler kelgen ýaqytta 15 sharshy metrdegi uıaly telefon jabdyqtarynyń bir qabatty pavılony órtenip jatqan. Jaqyn ornalasqan konteınerlerge órt jaıylyp ketý qaýpi tónip turdy. Adamdardyń bar nemese joqtyǵy tekserildi», - dedi TJD-da.

Bazardaǵy órt 10 mınýtta aýyzdyqtaldy.

«Qabyldanǵan sharalarǵa sáıkes, jalynnyń jaqyn ornalasqan býtıkterge taralýynyń aldy alyndy. Órt 00:09-da aýyzdyqtalyp, 00:22-de sóndirildi», - dep atap ótti vedomstvoda.

Eske salsaq, 6 qyrkúıekte Almatydaǵy «baraholka» bazarynan órt shyǵyp, jalyn 2200 sharshy metr aýmaqty sharpyǵan bolatyn.
Basty sózder: Oqıǵa, Almaty,
Joǵary qaraı