Aýa raıy
Astana 30 °S
Almaty 36 °S
valıýta baǵamy
USD 383.01
EUR 430.12
RUB 6.10
CNY 55.70

Almatyda Denıs Tenge eskertkish turǵyzyldy

2019 jyldyń 22 maýsym 2019 13:05 857

ALMATY. QazAqparat - Almatyda belgili qazaqstandyq mánerlep syrǵanaýshy Denıs Tenge músin ornatyldy. Eskertkish sportshy qaza tapqan jerge turǵyzyldy, dep habarlaıdy QazAqparat tilshisi.

Denıs Tenniń músini qoladan, tuǵyry granıtten jasalǵan. Bıiktigi - 2,4 metr. Músin Denıstiń qola medal jeńip alǵan Sochı Olımpıadasynyń fınaldyq baǵdarlamasyn oryndap turǵan sátin órnektep tur. Qurmanǵazy jáne Baıseıitova kósheleriniń qıylysyna ornatylǵan eskertkish - Sank-Peterbýrg músinshisi Matveı Makýshkınniń týyndysy.


Aıta keteıik, ol buǵan deıin ońtústik astanaǵa taǵy bir eńbegin - Vıktor Tsoı músinin arnaǵan bolatyn.


«Biz Oksana Alekseevnaǵa alǵys aıtamyz, óıtkeni árbir detal, shtrıhyna deıin sonyń qadaǵalaýynda boldy», - deıdi Almaty ákiminiń orynbasary Arman Qyryqbaev.


Ol Denıs Tenniń anasymen birige sportshy týraly kitap shyǵarylatynyn, kúzde onyń qurmetine týrnır uıymdastyrylatynyn jetkizdi.






Eske sala keteıik, Denıs Ten byltyr 19 maýsym kúni qaza tapty. Pyshaqtan aýyr jaralanǵan belgili sportshy aýrýhanaǵa jetkizilgen soń qaıtys bolǵan edi.

Al ony óltirgen qylmyskerlerge 17 qańtar kúni Almatyda úkim oqyldy.

 

 

 

 

 

Avtor Samal Qabysheva
Basty sózder: Qoǵam, Almaty, Denıs Ten,
Joǵary qaraı