Aýa raıy
Astana 29 °S
Almaty 35 °S
valıýta baǵamy
USD 384.87
EUR 432.52
RUB 6.11
CNY 55.95

Almatyda djıý-djıtsýdan aýqymdy týrnır ótti

2019 jyldyń 23 maýsym 2019 22:47 785

ALMATY. QazAqparat - Almatyda Esirtkimen kúrestiń halyqaralyq kúni jáne polıtsııa kúnine oraı balalar men jasóspirimder arasynda djıý-djıtsýdan týrnır ótti, dep habarlaıdy QazAqparat.   

Jarysqa 8-13 jas aralyǵyndaǵy júzden astam djıtser qatysty. Olardyń arasynda Azııa, álem chempıondary men halyqaralyq jarys jeńimpazdary bar. Olar jasyna jáne salmaǵyna qaraı birneshe klýb atynan qatysty.

Ashylý saltanatynda Almaty qalalyq sport basqarmasynyń basshysy Rústem Baıseıitov, esirtki qylmysyna qarsy kúres basqarmasy basshysynyń orynbasary, polıtsııa podpolkovnıgi Erlan Almaǵambetov jáne álemniń eki dúrkin chempıony, boksshy Nazym Qyzaıbaı sóz alyp, jarys qatysýshylaryna sáttilik tiledi.   





Týrnır uıymdastyrýshylary - qalalyq ákimdik, Almaty polıtsııa departamenti jáne «Sagadat Batyr - QTT» sport klýby.





«Bizdiń klýb osyǵan deıin birneshe ret halyqaralyq jarystardy ótkizgen, dese de, polıtsııamen birge birinshi ret uıymdastyryp otyrmyz. Barlyǵy joǵary deńgeıde ótti, ata-analar dán rıza boldy. Bizdiń basty maqsatymyz - jastardy sportqa jáne salýatty ómir saltyna baýlý jáne djıý-djıtsý sportyn nasıhattaý», - dep atap ótti «Sagadat Batyr - QTT» klýbynyń jattyqtyrýshysy Nursultan Orynbasarov.

Týrnır qorytyndysy boıynsha jeńimpazdar medaldar men gramotalarǵa ıe boldy.   





«Jarys oıdaǵydaı ótti. Bul - meniń alǵashqy týrnırim. Qarsylastar óte myqty boldy, biraq men soǵan qaramastan ekinshi oryndy jeńip aldym. Óte qýanyshtymyn. Keleshekte álem chempıony bolǵym keledi», - deıdi jarys qatysýshysy Nıkıta Demıdov. 

Aıta keteıik, Qazaqstanda polıtsııa kúni - 23 maýsymda, al Esirtkimen kúrestiń halyqaralyq kúni 26 maýsymda atap ótiledi.



 

 

 

Avtor Janat Qapalbaeva
Basty sózder: Esirtkimen kúres, Almaty, Sport,
Joǵary qaraı