Aýa raıy
Astana 28 °S
Almaty 28 °S
valıýta baǵamy
USD 386.70
EUR 427.15
RUB 6.06
CNY 54.57

Almatyda ózin polıtsııa qyzmetkeri retinde tanystyryp, sheteldikterdi aldaǵan alaıaq ustaldy

2019 jyldyń 19 tamyz 2019 09:25

ALMATY. QazAqparat- Almatyda sheteldikterdi aldap júrgen er adam ustaldy. Ol ózin ishki ister organdarynyń qyzmetkerimin dep tanystyrǵan, dep habarlaıdy QazAqparat tilshisi.

Naýryzbaı aýdanynyń polıtsııa bóliminiń málimetinshe, 1985 jyly týǵan I. ózin quqyq qorǵaý organdarynyń qyzmetkerimin dep tanystyrǵan.

«Er ózin adam quqyq qorǵaý organdarynyń qyzmetkeri retinde tanystyryp, azamattardyń senimine kirý arqyly aldaǵan. Atap aıtqanda, adamdary kóshi-qon salasyndaǵy máselelerdi sheshýge, Qazaqstanda turýǵa ruqsat alyp berýge kómektesetinine sendirgen. Ár qyzmeti úshin alaıaq sheteldikterden 250 myń teńge kóleminde aqsha alyp kelgen. Ol ýádeleri senimdi bolý úshin jábirlenýshilermen kezdesýge barǵanda, tártip saqshysynyń formasyn kıip alǵan. Qazir ýaqytta I. ustaldy. Tergeý barysynda onyń quqyq qorǵaý organdarymen eshqandaı baılanysy joq ekendigi anyqtaldy. Ustalǵan azamattyń zańsyz áreketterinen birneshe adam, sonyń ishinde sheteldikter zardap shekken. Osyǵan baılanysty tergeý bólimi onyń sýretin jarııalady. Eger tanyp jatsańyzdar myna telefondarǵa habarlasý qajet: 254-44-61 jáne 254-44-62; 254-44-64», - Naýryzbaı aýdany polıtsııa basqarmasy bastyǵynyń orynbasary Zýhrab Myrzaǵalı.

Búginde QRQK 190-baby boıynsha sotqa deıingi tergeý júrip jatyr. Kúdikti ýaqytsha ustaý ızolıatoryna qamaldy.

Basty sózder: Almaty, Qylmyspen kúres,
Joǵary qaraı