Aýa raıy
Astana -3 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Almatyda jastar zaıyrlylyq prıntsıpterimen tanysty

2019 jyldyń 13 qyrkúıek 2019 11:46

ALMATY. QazAqparat – Kez-kelgen elde zaıyrlylyq prıntsıpteriniń saltanat qurýy dinı turǵydan bilimdi, saýatty jastardyń ósýimen sıpattalady.

Bul týraly oıymen ál-Farabı atyndaǵy QazUÝ dintaný jáne mádenıettaný kafedrasynyń professory Qarlyǵash Borbasova Almaty memlekettik pedagogıkalyq kolledj stýdentterimen kezdesý barysynda bólisti, dep habarlaıdy QazAqparat.

Dáristi kolledjdiń 1-2 kýrs stýdentteri tyńdady. Dintanýshy maman jastardy din salasyndaǵy memlekettik saıasatpen tanystyryp, dinı sanasyn qalyptastyrýǵa tyrysty. Kezdesý barysynda zaıyrlylyq prıntsıpteri tereń ashyldy.

«Zaıyrly memlekettiń prıntsıpteriniń biri - toleranttylyq. Zaıyrly memleket kóp konfessııaly, kóp dindi bolady. Beıbit ómir súrý úshin Elbasynyń saıasaty, jalpy memlekettik saıasat, tózimdilik máselelerine kóńil bólý kerek. Bul túsinikterdiń óz sheńberi bar. Biz ult retinde qazaq ekenimizdi, egemen el bolý úshin ulttyq qaýipsizdikti umytpaýymyz kerek. Saýatty bolýymyz kerek. Saıası, dinı saýatty bolý kerek. Sol úshin jastar kóshede, kez-kelgen jerde adamdarmen qatynas jasaǵanda olar sizge dinı ýaǵyz aıtýy múmkin. Jastarda rýhanı izdenis bolady. «Ómirdiń máni nede, adam nege óledi, ólgen soń qaıda barady?» degen sııaqty saýaldarǵa ómir boıy jaýap izdeıtini anyq. Kóp jastar ony ata-anadan, muǵalimnen suramaıdy, ınternetke súıenedi. Al bul qaýipsiz emes», - dedi Qarlyǵash Borbasova.





Professor jastardy jat aǵymnyń jeteginen qorǵaý úshin ákimshilik tarapynan ártúrli is shara uıymdastyrylyp jatqanyn aıtty. Dintanýshy maman el bolashaǵyn tárbıeleýde qyz balalardyń róli óte joǵary ekenin atap ótti.

«Qyz balaǵa úlken jaýapkershilik berilgen. Sebebi sizder tek óz balalaryńyzdy emes, búkil qoǵamnyń bolashaǵyn tárbıeleısizder. Qazaqtyń negizgi dástúri - úlkendi syılaý. Muǵalimder óziniń is áreketimen, isimen úlgi bolýy kerek. Shashty jaımaı, qysqa ıýbka kımeı, anaǵa qarsy sóılemeý, eneńizdi syılaý, azamatyńyzdy syılaý kerek», - dep qorytyndylady Qarlyǵash Borbasova.





Avtor Gúlmıra Ǵosmanálı
Basty sózder: Almaty, Bilim, JOO-lar, Din, Jastar,
Joǵary qaraı