Aýa raıy
Astana 31 °S
Almaty 32 °S
valıýta baǵamy
USD 386.70
EUR 427.15
RUB 6.06
CNY 54.57

Almatyda jergilikti polıtsııa bólimsheleriniń sany artty

2019 jyldyń 20 tamyz 2019 14:35

ALMATY. QazAqparat- Almatyda jergilikti polıtsııa bólimsheleriniń sany artty, dep habarlaıdy QazAqparat tilshisi.

Almaty ákiminiń tapsyrmasy boıynsha, jergilikti polıtsııa krımınogendik pýnktterdiń kartasy men patrýldik kartany jasady. Patrýldik polıtsııa qyzmetkerleri jaryǵy joq kósheler men aýlalardyń basty nazarda ustaıdy. Sondaı-aq, Baqytjan Saǵyntaev jergilikti polıtsııa bólimsheleriniń sanyn kóbeıtýdi tapsyrǵan.

«Almaty qalasy 102 ákimshilik ýchaskege bólingen, onda polıtsııa basqarmasynyń balansynda 67 ýchaskelik polıtsııa beketteri bar.Jaıly qalalyq orta basqarmasynyń qoldaýymen 6 ýchaskelik polıtsııa pýnkteriniń qurylysy aıaqtaldy. Qazir onda ınspektorlar jumys istep jatyr. Taǵy da 29 ýchaskelek pýnktke arnalǵan ǵımarattar qajet. Qala ákimdigi jalǵa alatyn nysandardy qarjylandyrady. Qylmys kartasyn paıdalana otyryp jasalǵan taldaýǵa sáıkes qala aýmaǵynda 61 eń krımınogendik ýchaskeler anyqtaldy, olardyń boıynda patrýldik marshrýttar jasaldy. Taldaý qylmys orny boıynsha júrgizildi. Jaıaý patrýlder men avtoekıpajdardyń patrýldik baǵyttary kópqabatty úılerdiń aýlalary», - dedi Almaty qalalyq PD jergilikti polıtsııa bóliminiń bastyǵy Tórehan Isın.

Sondaı-aq, ol aýdan ákimdikterimen birlesip, kósheler men aýlalardy jaryqtandyrý boıynsha qosymsha zertteýler júrgizilgenin aıtty. Jalpy alǵanda, 81 kóshege jaryq jetispeıdi, 16-sy jartylaı jaryqtandyryldy.

Kópqabatty úılerdiń 65 aýlasy jaryqtandyrylmaǵan. Barlyq tizimder Almaty qalasy ákimdiginiń energııatıimdilik basqarmasyna jiberildi.

«Almaty polıtsııasy « Qaýipsizdik vızıt kartasy » aqparattyq jobasyn iske qosty. Bul jaıaý patrýlderiniń jańa formatyn tájirıbege engizetin materıaldar toptamasy. Azamattarǵa kez-kelgen aýdandardaǵa patrýldik marshrýttardyń ornalasqan jeri, jasalǵan qylmystar, patrýldiń jeke quramy, kóshedegi jaryqtandyrýdy jaqsartý qajet jerler týraly aqparattar berilgen », - dep túıindedi Tórehan Isın.


Perevod Alma Muqanova
Basty sózder: QR ІІM, Qoǵam, Almaty,
Joǵary qaraı