Aýa raıy
Astana 9 °S
Almaty 16 °S
valıýta baǵamy
USD 386.70
EUR 427.15
RUB 6.06
CNY 54.57

Almatydaǵy medıtsına uıymdaryna tegin medıtsınalyq kómek úshin 72 mlrd teńge tólendi

2019 jyldyń 20 tamyz 2019 12:45

ALMATY. QazAqparat - Jyl basynan beri memlekettik tapsyrys sheńberinde almatylyqtarǵa tegin qyzmet kórsetken medıtsına uıymdaryna 72,3 mlrd teńge tólendi.

2019 jylǵa bekitilgen kelisimsharttyń jalpy somasy 114 mlrd teńgeden asady. Bul týraly «Áleýmettik medıtsınalyq saqtandyrý qory» KEAQ Almaty fılıaly habarlady.

«Bul qarajat memlekettik tapsyrys boıynsha kórsetilip jatqan tegin medıtsınalyq kómek úshin tólenip otyr. Saqtandyrý paketi sheńberinde qyzmet kórsetý 2020 jyly bastalady», – dedi MSQ Almaty fılıaly dırektory Tileýhan Ábildaev.

Esterińizge sala ketsek, Medıtsınadyq saqtandyrý qory 2018 jyldan beri memlekettik bıýdjetten qarjylandyrylatyn kepildendirilgen tegin kómek paketiniń operatory bolyp tabylady. 2020 jyldan bastap Qor mindetti áleýmettik medıtsınalyq saqtandyrý sheńberinde kórsetiletin qyzmetterdiń aqysyn tóleı bastamaq.

Jalpy, Almaty qalasynda 178 medıtsına uıymy Medıtsınalyq saqtandyrý qorymen memlekettik tapsyrysty oryndaý jóninde kelisimshart bekitken. Onyń basym bóligi – jekemenshik klınıkalar. 2019 jylǵa bekitilgen kelisimsharttyń jalpy somasy 114,6 mlrd teńgeni qurap otyr.


Perevod Qanat Mámetqazyuly
Basty sózder: Almaty, Medıtsına,
Joǵary qaraı