Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Almatylyq dárigerler Arys turǵyndaryna kómektesýge daıyn

2019 jyldyń 25 maýsym 2019 22:41

ALMATY. QazAqparat - №4 qalalyq klınıkalyq aýrýhananyń qyzmetkerleri jáne Almaty qalasynyń № 11 emhanasynyń ujymy Arys qalasy turǵyndaryna kómektesýge ázir, dep habarlaıdy QazAqparat.

«Bizdiń qyzmetkerler Arys turǵyndaryna kómektesýge daıyn. Bir kúndik jalaqylaryn Saqtandyrý qoryna aýdardy.Bul bizdiń ortaq qaıǵymyz, myńdaǵan adam Shymkent, Munaıtas, Qabylsaı jáne Shaǵyrdaǵy evakýatsııalyq ortalyqtarǵa ornalasqan. Biz barlyǵyna kómekteskim keledi », - delingen №4 qalalyq klınıkalyq aýrýhana habarlamasynda.

Aýrýhana qyzmetkerleriniń qaıyrymdylyq somasy 2 600 myń teńgeni qurady. Sondaı-aq, búgin №11 qalalyq emhana dárigerleri de, bir kúndik jalaqylaryn aýdardy, olardyń jalpy somasy 450 myń teńge.

«BAQ ókilderi balalarǵa arnalǵan kıim-keshekter, balalar tamaǵy jáne jeke kútimge qajetti zattardyń jetkiliksiz ekeni týraly habarlady. Biz Ońtústik óńirde oryn alǵan qıyn jaǵdaıǵa beı-jaı qaraı almaımyz. Sondyqtan, medıtsına qyzmetkerleri qaıyrymdylyq aktsııasyn qoldaıdy»,- dep habarlaıdy Almaty qalasynyń №11 emhanasy.

Avtor: Alma Muqanova

Basty sózder: Jaqsylyq jasa, Almaty, Arys,
Joǵary qaraı