Aýa raıy
Astana -4 °S
Almaty 0 °S
valıýta baǵamy
USD 389.75
EUR 434.26
RUB 6.12
CNY 55.05

Almatylyq oqýshylar normadan 3-4 ese aýyr sómke kóterip júr

2019 jyldyń 16 qyrkúıek 2019 14:23

ALMATY. QazAqparat – Almatylyq oqýshylar normadan 2-3 ese aýyr sómke arqalap júr. Bul týraly Almaty qalalyq taýarlar men kórsetiletin qyzmetter sapasy jáne qaýipsizdigin baqylaý departamentiniń basshysy Aızat Moldaǵasymova aıtty, dep habarlaıdy QazAqparat tilshisi.

Departament basshysynyń aıtýynsha, qazir qaladaǵy 254 mektepte 266769 oqýshy oqıdy. Sonymen qatar, 28 arnaıy ınternatta 7593 oqýshy bilim alyp jatyr.

Memlekettik mektepterde bala sany tym kóp bolǵandyqtan, oryn jetispeýshiligi 30%-ǵa jetti.

«Birinshi synyp oqýshylarynyń sómkesi normadan 2-3 ese aýyr. Al 5-6 synyp oqýshylarynyń sómkesi qalypty kórsetkishten 3-4 ese aýyr. Jalpy 5-synyp oqýshylary úshin sómkeniń salmaǵy 2,5 keliden aspaýy tıis. Al qazir oqýshylar 6-9 keli sómke arqalaýǵa májbúr. Birinshi synyp oqýshylarynyń sómkesi 1,5-2 keliden aspaýy tıis. Al shyn máninde balalar 4-4,5 keli sómke kóterip júr», - dedi baspasóz máslıhaty barysynda departament basshysy Aızat Moldaqasymova.

Onyń aıtýynsha, mektep sómkesiniń salmaǵy qalyptan tys bolsa skolıoz, osteohondroz sııaqty aýrýlarǵa ákep soqtyrýy múmkin.


Avtor Gúlmıra Ǵosmanálı
Basty sózder: Bilim, Almaty,
Joǵary qaraı