Aýa raıy
Astana 13 °S
Almaty 23 °S
valıýta baǵamy
USD 386.70
EUR 427.15
RUB 6.06
CNY 54.57

Altaı aýdanynda joǵalǵan sábıdiń denesi óz úıiniń aýlasyndaǵy qudyqtan tabyldy

2019 jyldyń 20 tamyz 2019 11:11

NUR-SULTAN. QazAqparat – Shyǵys Qazaqstan oblysynyń Altaı aýdanyna qarasty Sredıgornoe aýylynda joǵalyp ketken sábıdiń múrdesi óz úıiniń aýlasyndaǵy qudyqtan tabyldy. Bul jaıynda Shyǵys Qazaqstan oblystyq polıtsııa departamentinen málim etti, dep habarlaıdy QazAqparat tilshisi.

«20 tamyz kúni Altaı aýdanyna qarasty Sredıgornoe aýylynda polıtsııa qyzmetkerleri qudyqtaǵy sýdy soryp alyp, túbin laıdan tazalaý arqyly qosymsha tekserýge bastamashylyq jasady. Qaıta qaraý barysynda zardap shegýshiniń aýlasynda ornalasqan qudyqta, laı astynan 2017 jyly dúnıege kelgen sábı Álıhan Talǵatovtyń múrdesi tabyldy», - delingen polıtsııa departamenti taratqan aqparatta.

Qazirgi ýaqytta polıtsııa departamentiniń jedel tergeý toby tekserý jumystaryn júrgizip jatyr. Komıssııalyq sot-medıtsınalyq saraptama taǵaıyndalǵan. Sábıdiń múrdesi Sot saraptamalary ortalyǵyna jiberilgen.

Buǵan deıin polıtsııa qyzmetkerleri men eriktiler Shyǵys Qazaqstan oblysynyń Altaı aýdanynda joǵalyp ketken 2 jasqa tolmaǵan sábıdi izdep jatqanyn habarlaǵan edik.

Joǵary qaraı