Aýa raıy
Astana 19 °S
Almaty 17 °S
valıýta baǵamy
USD 385.42
EUR 424.58
RUB 6.00
CNY 54.31

Aman-esen oralady degen úmit bar - joǵalǵan alpınıstiń áıeli

2019 jyldyń 23 tamyz 2019 17:00

ALMATY. QazAqparat - Joǵalǵan alpınıst Murat Ótepbaevtyń jubaıy Shaharızada Shahbýtova qutqarýshylar tobyna alǵys bildirip, alpınısterdiń aman oralýyna úmitti ekenin bildirdi, dep habarlaıdy QazAqparat tilshisi.

«Aýa raıynyń qolaısyzdyǵyna qaramastan, izdestirý jumystary tolyqtaı júrgizildi. Óz imniń jáne otbasymnyń atynan eki eldiń memlekettik uıymdaryna alǵysymdy bildirgim keledi. Kómek kórsetken adamdardyń barlyǵyna rahmet aıtamyn. Ushqyshtarǵa, alpınısterge, konsýlǵa, ásirese qutqarýshylar tobyna alǵysym sheksiz. Jigitter kúndiz-túni jumys istedi. Uıyqtamady. Olar qoldan kelgenniń bárin jasady. Biz diń jigit t er aman-esen oralady dep senemiz, úmitimizdi úzbeımiz»,- dedi Murat Ótepbaevtyń áıeli búgin arnaıy ótkizilgen baspasóz máslıhatynda .

Joǵalyp ketken alpınısterdi izde stir ý operatsııasy týraly qutqarý tobynyń múshesi, QR Qarýly Kúshteriniń aǵa leıtenant y Vasılıı Pıvtsov aıtyp berdi.

«18 tamyz kúni saǵat 23:00-de komandalyq top jınaldy. Biz munda Armııa ortalyq sport klýbynan keldik. 19 tamyzda tańerteńgi saǵat 04:00-de Buryndaı áýejaıyna jettik . Ol jerden saǵat 13:00-de ushyp shyqtyq . Sodan keıin Han Táńiri alp ınıstik lageri aýmaǵyna keldik. Kelesi kúni, 20 tamyzda, tańerteńgi saǵat 9.00-de Karkara - Ońtústik Irymchek baǵyty boıynsha QR Tótenshe jaǵdaılar komıtetiniń tikushaǵymen izdedik. Qaıǵyly oqıǵa bolǵan jerdiń aınalasyndaǵy reıs, tragedııanyń boljanǵan jerinen 8 ret aınalyp óttik. Tiri adamdar baıqalmady. Teplovızordy qoldandyq, biraq nátıje bolmady. 21 tamyzda «Jeńis» shyńy aýmaǵynda qolaısyz aýa raıy boldy, ushýǵa ruqsat berilmedi. Kún raıynyń jaqsarýyn kúttik. 22 tamyzda da reıs jasaldy. Jalpy, «Jeńis» shyńyn 14 ret aınala ushyp óttik. Nátıje joq. Qazirgi ýaqytta kóshkin qaýpi joǵary, bul jaıaý izdeý jumysyna qaý i pti. Búgin , 23 tamyzda izdeý jumystaryn júrgizgen komanda Almatyǵa keldi», - dedi Vasılıı Pıvtsov.

Óz kezeginde, QR Qarýly Kúshteriniń kapıtany, ataqty alpınıst Maqsut Jumaeva dabyl qaǵylǵan kúni qutqarý tobynyń basqa múshesi, QR QK-niń maıor y Amanjol Rahmetovpen birge áskerı oıyndardan Almatyǵa oralǵanyn aıtty.

«Maıor Rahmetov ekeýmiz armııa oıyndarynan tańǵy saǵat 3-te keldik. Birge 5-6 myń metrge shyqtyq. Negizinde bizde izdestirý-qutqarý jumystaryn júrgizý úshin jetkilikti akklımatızatsııa boldy», - dedi Maqsut Jumaev.

Al Alpınızm jáne sporttyq quzǵa órmeleý federatsııasynyń bas hatshysy Qazbek Valıev, «Jeńis» shyńyndaǵy reıster sanyn, aýa raıy men órmeleý jaǵdaılaryn, ushýdy uıymdastyrý men basqarýdy baqyla ǵan.

«Joǵalǵan alpınıster, tájirıbe men fızıkalyq turǵydan alǵanda, óte myqty sportshylar boldy. Bıyl taýǵa qar qalyń tústi. Qıyn boldy. 13 tamyzda aýa raıy nasharlap ketti.13 - 17 tamyz aralyǵynda kúni boıy qatty qar jaýdy. Eń joǵary núktedegi top qolaısyz jaǵdaıǵa tap boldy. Jigittermen baılanys 18 tamyz kúni tańǵy saǵat 8-9-dan bastap úzildi»,- dep atap ótti Qazbek Valıev.

Buǵanǵa deıin, Qyrǵyzstannyń Tıan-Shan taýlarynda joǵalyp ketken qazaqstandyq alpınısterdi izde stirý jumystary toqtatylǵany týraly QR Qorǵanys mınıstrligi aqparat jáne kommýnıkatsııalar departamentiniń basshysy Danııar Aıjanov aıtqan bolatyn.

Eske salsaq, almatylyq alpınıster Murat Ótepbaev, Andreı Korneev jáne Aleksandr Chechýlın Qyrǵyz taýlarynda joǵalyp ketti. Almaty qalasynyń ákimi Baqytjan Saǵyntaev alpınıster tobynyń iz-túzsiz ketýine qatysty Instagram paraqshasynda alańdaýshylyq bildirdi. Keıinirek quzǵa órmeleýshilerdiń biriniń qyzy áleýmettik jeli arqyly qalyń kópshilikten kómek surady. Kóp uzamaı QR Qorǵanys mınıstrligi alpınısterdi qutqarý operatsııasyn bastaǵanyn málim etti.Qutqarýshylar tobyna áıgili alpınıst Maqsut Jumaev jetekshilik etýde.

QR Syrtqy ister mınıstrliginiń aqparatyna sáıkes, 2019 jyldyń 17 tamyzynda Bishkektegi qazaqstandyq konsýldyqqa Qazaqstannyń 3 alpınısi Tıan-Shan taýynyń (Qyrǵyzstan, Ystyqkól oblysy) Jeńis shyńynda joǵalyp ketkendigi týraly aqparat tústi. Qazaqstan azamattary Murat Ótepbaev, Andreı Korneev jáne Aleksandr Chechýlınniń 4 tamyz kúni Jeńis shyńyna saparlap shyqqandyǵy anyqtaldy. Olardyń barlyǵy da kásibı jáne tájirıbeli alpınıster. 14 tamyzda olar atalǵan shyńdy baǵyndyrǵan. Sol kúni aýa raıy nasharlap ketken.

Alpınıster 15 tamyz kúni shamamen saǵat 08.15-te sońǵy ret baılanysqa shyǵyp, oryn alǵan jaıtqa qatysty dabyl qaqqan. Sondaı-aq, olar A.Chechýlınniń qaza tapqandyǵyn estirtken. Alpınıster dabyl qaqqan sátte olar 6 900 metr bıiktikte bolǵan. Shatyrlary men jabdyqtaryn jel ushyryp ketken. Olar qardan shuńqyr qazyp, soǵan jasyrynǵandyqtaryn aıtqan.

Joǵary qaraı